vallikkunnan☺വള്ളിക്കുന്നന്‍

ഹജ്ജ് 2009

2009-12-04T14:03:00.002+03:00

H1N1 ഭീതിക്ക്‌ പുറമേ അറഫാദിനത്തിന് തലേന്ന് മീനായിലും പരിസരത്തും പെയ്ത മഴ അല്പം പരിഭ്രാന്തി ഉണ്ടാക്കിയെങ്കിലും ഇപ്പ്രാവശ്യത്തെ ഹജ്ജ് പൊതുവെ സമാധാനപരമായിരുന്നു. സൗദി ഗവണ്‍മെന്‍റ്റ് അതിവിപുലമായ സജ്ജീകരണമാണ് ഹജ്ജിനായി ഒരുക്കിയത്. യാതൊരു ബുദ്ധിമുട്ടോ പ്രയാസമോ കൂടാതെ ഹാജിമാര്‍ അവരുടെ കര്‍മങ്ങള്‍ പൂര്‍ത്തിയാക്കി. അനുമതിപത്രം ഇല്ലാതെ ഹജ്ജ് ചെയ്യാന്‍ പാടില്ല എന്ന കര്‍ശന നിയമം കാരണം അറഫാദിനം കഴിഞ്ഞതിനു ശേഷമാണ് എനിക്ക് ഹജ്ജിനെത്തിയ ഉപ്പയെയും ഉമ്മയെയും സന്ദര്‍ശിക്കാന്‍ പറ്റിയത്. ബ്രദര്‍ ബഷീര്‍ക്ക ഇവരുടെ കൂടെ ഹജ്ജ് കര്‍മ്മം ചെയ്യാന്‍ ഉണ്ടായിരുന്നു.

മൂന്നാം ദിനത്തിലെ കല്ലേറ് കര്‍മ്മത്തിനിടെ എടുത്ത ചില രംഗങ്ങളിലൂടെ....

ഈദ് ആശംസകള്‍ - Ye kya hai EID?

2009-11-25T14:34:00.004+03:00

എല്ലാ ബ്ലോഗ്‌ സന്ദര്‍ശകര്‍ക്കും, വീട്ടുകാര്‍ക്കും, നാട്ടുകാര്‍ക്കും ഈയുള്ളവന്റെ വക 'ബക്രീദ് ആശംസകള്‍'.

May your years ahead continue to be filled with a healthy, wealthy and prosperity life, and may you have a joyous and spirited Eid Mubarak (blessings) day with all your dear ones, including people of all faiths and humanity, filled with Love, Peace, and Happiness .... (Ameen).

Ye kya hai EID?

Accountants ne kaha,
E: Extreem Happy
I: In
D: Divide Expenses

Businessmen ne kaha,
E: Esteem Happy
I: In
D: Discount

Lawyers ne kaha,
E: Event Of
I: Increase
D: Dual Happy

Lovers ne kaha,
E: Eik Or
I: I
D: Date

ATM തട്ടിപ്പ് കഥകള്‍

2009-10-03T12:12:00.010+03:00

അനുഭവത്തിലെയും കേട്ടറിഞ്ഞുമുള്ള ചില ATM തട്ടിപ്പ് കഥകള്‍. ഉപകരിച്ചേക്കും.

ഇമ്മിണി-ബല്യ മനുഷ്യന്‍

2009-09-29T13:49:00.006+03:00

ഇതാരാണെന്ന് ചോദിച്ചാല്‍... ഒന്നേ പറയാനുള്ളൂ, ആ... ഊരോ പേരോ എനിക്കറിയില്ല. പിന്നെ for‍ what‌? എന്നാണെങ്കില്‍... ചുമ്മാ, ചുമ്മാ വെറുതെ. കാണാത്ത എല്ലാവരും ഒന്ന് കണ്ടോട്ടെ എന്ന് കരുതി, അത്രമാത്രം.

ഈ കഴിഞ്ഞ ആഴ്ച റിയാദിലെ ബത്ത എന്ന വലിയങ്ങാടിയിലൂടെ ഒന്ന് കറങ്ങിയപ്പോള്‍ ഒരാള്‍ക്കൂട്ടം. ഒന്ന് എത്തി നോക്കിയതാണ്. അതിനു മുമ്പേ ഒരാള്‍ അതാ തലയെടുപ്പോടെ തലയില്‍ തൊപ്പിയും വെച്ച് ആള്‍ക്കൂട്ടത്തിനു നടുവില്‍ നിന്നും ഇങ്ങോട്ട് നോക്കി നില്‍ക്കുന്നു. ഒന്ന് സൂക്ഷിച്ചു നോക്കി, കക്ഷി നില്‍ക്കുകയല്ല ഇരിക്കുകയാണ്. ഇരുന്ന ഇരുപ്പില്‍ തന്നെ എല്ലാവരെയും ചെറുതാക്കിക്കളഞ്ഞു കൊച്ചു കള്ളന്‍ (ഫോട്ടോ കാണൂ). പിന്നെ കുറച്ചു കഴിഞ്ഞു ഒന്ന് നില്‍ക്കാന്‍ എല്ലാവരും കൂടി ഓരിയിട്ടപ്പോള്‍ പുള്ളി നിന്ന ആ നില്‍പാണ്‌ അടുത്ത ഫോട്ടോയില്‍ കാണുന്നത്. കൂടെ കൂട്ടിനു തനിക്കൊത്ത രണ്ടു പക്രുമാരും ഉണ്ട്.

തുര്‍ക്കിക്കാരന്‍ സുല്‍ത്താന്‍ കൊസെന്‍ ആണ് പുതിയ ഗിന്നസ്‌ റിപ്പോര്‍ട്ട് പ്രകാരം ലോകത്തിലെ ഏറ്റവും ഉയരും കൂടിയ മനുഷ്യന്‍. അത്രത്തോളം ഇല്ലെങ്കിലും ഇവനും കണ്ട കാഴ്ചയില്‍ മോശക്കാരനല്ല.

ചുറ്റും കൂടിയ എല്ലാവര്‍ക്കും കൌതുകം. കുറെ പേര്‍ ഒന്നിച്ചു നിന്ന് ഫോട്ടോ എടുത്തു. ചിലര്‍ തങ്ങളുടെ സ്വന്തം മൊബൈലില്‍ തങ്ങളാല്‍ ആവുന്ന വിധം ഇരുന്നും ചെരിഞ്ഞും കിടന്നും പല പോസിലും ഫോട്ടോസ് എടുത്തു. കൂട്ടത്തില്‍ ഞാനും.

ബത്തയില്‍ തിങ്ങിക്കൂടുന്ന ഇന്ത്യക്കാരന്റെയും ബംഗാളിയുടെയും പച്ചയുടെയും (പാക്‌) ചന്ദം കാണാന്‍ വെറുതെ ഇറങ്ങിയതായിരുന്നില്ല ഈ കൊച്ചു-വലിയ മഹാന്‍മാര്‍. കൂടെ നിന്ന് ഫോടോയെടുത്ത മഹാമനസ്കരുടെ കയ്യില്‍ നിന്നും 10 റിയാലും ഈടാക്കിയാണ് ഇവര്‍ തങ്ങളുടെ അടുത്ത കേന്ദ്രത്തിലേക്ക് പോയത്.

എന്ന് പറഞ്ഞാലെങ്ങേനാടാ ഉവ്വേ.. ഇവര്‍ക്കും ജീവിക്കേണ്ടായോ? എന്ന് നിങ്ങളില്‍ പലരും ചിന്തിച്ചേക്കാം. അതെ, വളര്‍ച്ചയിലെ ഏറ്റക്കുറച്ചില്‍ കാരണം ഇവര്‍ക്ക് സാധാരണക്കാരെ പോലെ ഔദ്യോഗിക പദവികളിലേക്ക് അര്‍ഹത ലഭിക്കുന്നില്ല, അപ്പോള്‍ ഇത് തന്നെയാണ് ഇവരുടെ വരുമാന മാര്‍ഗ്ഗം. സന്‍‍മനസ്സുള്ളവര്‍ സഹായിക്കട്ടെ.

പെരുന്നാള്‍ വിശേഷങ്ങള്‍

2009-09-26T11:30:00.015+03:00

ഇപ്രാവശ്യത്തെ ചെറിയ പെരുന്നാള്‍ ഞങ്ങള്‍ക്ക് ദാമാമിലായിരുന്നു. അവിടെ അമ്മാവന്‍മാരുടെയും അമ്മായിയുടെയും അളിയന്‍ അമീറിന്‍റെയും കൂടെയായിരുന്നു ഈ പെരുന്നാള്‍ കൊണ്ടാടിയത്.

നാളെ പെരുന്നാളനെന്നു അറിഞ്ഞ ഉടന്‍ 19/9നു രാത്രി 11:30നു ഞാന്‍ കുടുംബസമേതം ദമാമിലേക്ക് യാത്ര തിരിച്ചു. പുലര്‍ച്ചെ 4:15നു ദമാമില്‍ എത്തിയെങ്കിലും പറഞ്ഞു തന്ന വഴിയും സ്ഥലവും കണ്ടു പിടിക്കാന്‍ ദമാം അങ്ങാടിയില്‍ അര മണിക്കൂര്‍ കറങ്ങിത്തിരിയെണ്ടി വന്നു. അവസാനം കണ്ടു പിടിച്ചു അപ്പോഴേക്കും മണി 4:45. പിന്നെ റൂമില്‍ ചെന്ന് ഒന്ന് ഫ്രഷായി എല്ലാവരും കൂടി പെരുന്നാള്‍ നമസ്കാരത്തിനായി പള്ളിയിലേക്ക് പോയി.

വിഭവസമ്രിധമായ ഉച്ച ഭക്ഷണം നസര്‍ക്കയുടെ (അളിയന്‍റെ നാട്ടുകാരനും സുഹൃത്തും) റൂമില്‍ വെച്ചായിരുന്നു. നല്ല ചെമ്മീന്‍ ബിരിയാണിയും കോഴി പൊരിച്ചതും. നന്നായിട്ട് തട്ടാന്‍ തന്നെ പരിപാടി ഉണ്ടായിരുന്നു, പക്ഷെ ഒരു മാസത്തെ നോമ്പെടുത്ത് വിശപ്പിനോട് നന്നായി പൊരുത്തപ്പെട്ട വയറിനു പെട്ടന്നൊരു മലക്കം മറച്ചിലിന് എന്തോ ഒരു മടി. കുറച്ചു തിന്നപ്പോഴേക്കും മടുത്തു. എല്ലാവരുടെ അവസ്ഥയും ഇത് തന്നെയായിരുന്നു.

ദമാമില്‍ എത്തിയാല്‍ പ്രധാനമായും കാണാനുള്ളത് സൗദി-ബഹ്‌റൈന്‍ രാജ്യങ്ങളെ ബന്ധിപ്പിക്കുന്ന കടല്‍ പാലമാണ്. പിന്നെ ഞങ്ങള്‍ നേരെ പോയത് ഇത് സന്ദര്‍ശിക്കാനാണ്. കടലിനു മുകളിലൂടെയുള്ള യാത ഒരു നല്ല അനുഭവമായിരുന്നു. ഒരുപാട് കിലോമീറ്റര്‍ നീളത്തില്‍ കടലിലേക്ക്‌ നീണ്ടു കിടക്കുകയാണീ പാലം. കടലിനു നടുക്ക് ഇരു രാജ്യങ്ങളുടെയും അധിര്‍ത്തിയില്‍ എല്ലാ സൌകര്യങ്ങളും ഉള്ള കൃത്രിമമായി നിര്‍മിച്ച ഒരു ദീപും. മൂന്നുനാല് മണിക്കൂര്‍ അവിടെ ചിലവഴിച്ച് ഞങ്ങള്‍ റൂമിലേക്ക്‌ തിരിച്ചു.

പിറ്റേ ദിവസം വൈകീട്ട് ഞങ്ങള്‍ ഹാഫ്-മൂണ്‍ ബീച്ചിലെക്കാണ്‌ പോയത്. നല്ല വൃത്തിയുള്ള ഒന്നാന്ദരം ബീച്ച്. മക്കള്‍ രണ്ടു പേരും നന്നായി വെള്ളത്തില്‍ ഇറങ്ങി കളിച്ചു കുളിച്ചു കയറി. ഒരു കാഴ്ചക്കാരായി ഞങ്ങള്‍ അവരുടെ കളികള്‍ എല്ലാം കരയില്‍ നിന്ന് ആസ്വദിച്ചു.

ഈ യാത്രയില്‍ ദമാമില്‍ വെച്ച് വള്ളിക്കുന്നുകാരായ ജലീല്‍ കെ. ടി., അഷ്‌റഫ്‌ (nm), നാസര്‍ (s/o മുന്‍ഷി), ഹുസൈന്‍ (s/o late moideen‍) എന്നിവരെയും കാണാന്‍ സാധിച്ചു.

എല്ലാം കണ്‍ കുളിര്‍ക്കെ കണ്ട് ആസ്വദിച്ച് 22/9നു ഉച്ച തിരിഞ്ഞ് 3 മണിക്ക് ഒരു പിടി നല്ല പെരുന്നാള്‍ ഓര്‍മകളുമായി ഞങ്ങള്‍ ദമാമില്‍ നിന്നും റിയാദിലേക്ക് തിരിച്ചു. തിരിഞ്ഞ് നോക്കിയപ്പോള്‍ ബാക്ക്‌ സീറ്റില്‍ Naveed നല്ല ഉറക്കത്തിലാണ്. Nashwa ഉമ്മയുടെ മടിയില്‍ കിടന്നു മയങ്ങുന്നു.

ഈദ് മുബാറക്

2009-09-19T22:00:00.003+03:00

എല്ലാ ബ്ലോഗു സന്ദര്‍ശകര്‍ക്കും ഈ ബ്ലോഗരുടെ വക ഈദ് ആശംസകള്‍ ..'ഈദ് മുബാറക്'.
ഭൂമിയില്‍ എല്ലാവര്‍ക്കും എല്ലായിടത്തും സമാധാനവും സന്തോഷവും ഐശ്വര്യവും ഉണ്ടാകട്ടെ എന്ന് ഈ വേളയില്‍ പ്രാര്‍ത്ഥിക്കുന്നു.

ആര്‍പ്പോ ഇറോ........

2009-09-01T00:00:00.003+03:00

എല്ലാ ബ്ലോഗ്ഗ് സന്ദര്‍ശകര്‍ക്കും സുഹൃത്തുക്കള്‍ക്കും പിന്നെ മൊത്തത്തില്‍ എല്ലാ മലയാളികള്‍ക്കും ഈ ബ്ലോഗ്ഗരുടെ വക ഓണാശംസകള്‍.

ആര്‍പ്പോ ഇറോ ഇറോ ഇറോ...... 'ഹാപ്പി ഓണം'

ബ്രേക്ക്‌ഫാസ്റ്റ്‌

2009-08-25T09:04:00.006+03:00

ഈ റമളാന്‍ മാസത്തിലെ നോമ്പ് കാലത്ത് 'ബ്രേക്ക്‌ഫാസ്റ്റ്‌' എന്നും പറഞ്ഞു പോസ്റ്റിയാല്‍ പിന്നെ അത് വായിച്ചു ആരെങ്കിലും തലതിരിഞ്ഞു കാലത്ത് തന്നെ നോമ്പ് മുറിക്കാന്‍ ഇടയായാല്‍ ഊര് വിലക്കിന് പുറമെ ജാതി വിലക്ക് കൂടി കല്‍പിച്ച് എന്നെ പടിക്ക് പുറത്തിരുത്തും നമ്മുടെ കൌമുകള്‍.

പക്ഷെ പറഞ്ഞിട്ടെന്തു കാര്യം; ഇതാ രാജ്യത്തിന്‍റെ തലസ്ഥാനത്ത് നോമ്പ് ഒന്നിന് തന്നെ നടന്നു കൂട്ടം കൂടിയൊരു ബ്രേക്ക്‌ഫാസ്റ്റ്‌.

ഇതൊരു സമൂഹ ബ്രേക്ക്‌ഫാസ്റ്റ്‌. പ്രാതല്‍ ഭോജനമല്ല ഞാന്‍ ഉദ്ദേശിച്ചത്. പകല്‍ മുഴുവന്‍ അന്നപാനീയങ്ങള്‍ വെടിഞ്ഞു പ്രാര്‍ത്ഥനകളില്‍ മാത്രം മുഴുകി എടുത്ത പുണ്യ വ്രതത്തിന്‍റെ ഒരു ദിവസത്തെ പരിസമാപ്തി. ദല്‍ഹി ജുമാ മസ്ജിദില്‍ ഈ റമളാന്‍ ഒന്നിന് വിശ്വാസികള്‍ ഒന്നിച്ചിരുന്നു നോമ്പ് തുറക്കുന്ന ഈ കാഴ്ച കണ്ണിനും മനസ്സിനും കൌതുകമേകും.

റമളാന്‍ കരീം

2009-08-19T00:00:00.003+03:00

മറ്റൊരു റമളാന്‍ മാസം കൂടി സമാഗതമായിരിക്കുന്നു. അല്‍ഹമ്ദുലില്ലാഹ്.

ഈ മാസത്തെ പുന്ന്യത്തെക്കുറിച്ചും പ്രസക്തിയെ കുറിച്ചും എല്ലാവര്‍ക്കും വളരെ നന്നായി അറിയാവുന്നതാണ്.

Read more ....'റമളാന്‍ കരീം'

His Name is Khan

2009-08-16T12:54:00.008+03:00

ഇത് ഇന്ത്യന്‍ യുവത്വത്തിന്‍റെ ആകെ രോമാഞ്ചം. ബോളിവുഡ്‌ സിനിമാ നിര്‍മ്മാതാക്കള്‍ക്കിടയിലെ ഒരേയൊരു 'പൈസാവസൂല്‍' താരം. ഈ താരത്തിന്‍റെ പുറത്തു ഒന്നും ചിന്തിക്കാതെ കോടികള്‍ മുടക്കാന്‍ നിര്‍മ്മാതാക്കള്‍ തയ്യാറാണ്. ഇദ്ദേഹത്തിന്‍റെ പേര് ഖാന്‍, അതെ ഇദ്ദേഹത്തിന്‍റെ പേര് ഖാന്‍ എന്ന് തന്നെയാണ്. അതുകൊണ്ടാണല്ലോ ഇന്ത്യയുടെ സ്വാതന്ത്ര്യ ദിനത്തോടനുബന്തിച്ചു അമേരിക്കയില്‍ പരിപാടികളില്‍ പെങ്കെടുക്കാന്‍ പോയ നമ്മുടെ സ്വന്തം 'കിംഗ്‌ ഖാനെ' ന്യൂവാര്‍ക്ക് എയര്‍പോര്‍ട്ടില്‍ രണ്ടു മണിക്കൂറോളം അധികൃതര്‍ തടഞ്ഞു വെച്ചത്. കാരണം ......തുടര്‍ന്ന് വായിക്കുക.

സ്വാതന്ത്ര്യദിനാശംസകള്‍

2009-08-15T00:01:00.001+03:00

രാജ്യം അറുപത്തിമൂന്നാം സ്വാതന്ത്ര്യദിനം ഇന്നാചരിക്കുന്നു. എല്ലാ ബ്ലോഗ്‌ സന്ദര്‍ശകര്‍ക്കും സുഹൃത്തുക്കള്‍ക്കും ഈ ബ്ലോഗ്ഗരുടെ വക സ്വാതന്ത്ര്യദിനാശംസകള്‍.

അറിയുക എന്താണ് H1N1?

2009-08-12T15:56:00.004+03:00

H1N1 പന്നിപ്പനിയെ കുറിച്ച് അറിഞ്ഞിരിക്കേണ്ട പ്രധാന കാര്യങ്ങള്‍ ഇവയാണ്:

H1N1 എന്തെല്ലാം ആവാം എന്തെല്ലാം പാടില്ല:

പന്നിപ്പനി

2009-08-12T09:10:00.006+03:00

വെറും ഒരു യൂറോപ്യന്‍വ്യാധി എന്ന ലാഖവത്തോടെ കണ്ടിരുന്ന A/H1N1 വൈറസ്‌ പന്നിപ്പനി (swine flu) ഇന്ന് ലോകമാകെ പടര്‍ന്നിരിക്കുകയാണ്. ഇതുവരെ ലോകമെമ്പാടും 2,000ലധികം പേര്‍ ഈ പനി മൂലം മരണമടഞ്ഞിട്ടുണ്ട്. ഈ കഴിഞ്ഞ ജൂലൈ മാസത്തിന്റെ അവസാനത്തില്‍ ജനീവ ആസ്ഥാനമായ ആരോഗ്യവകുപ്പിന്‍റെ റിപ്പോര്‍ട്ടില്‍ രണ്ടു ലക്ഷത്തോളം ആളുകള്‍ക്ക് ഈ രോഗം ബാധിച്ചതായി സ്ഥിരീകരിച്ചിട്ടുണ്ട്. ഇന്ത്യയില്‍ ഇതുവരെയായി 10 മരണം സ്ഥിരീകരിച്ചു. തുടര്‍ന്ന് വായിക്കുക....

പുതിയ സംരംഭം

2009-08-05T14:47:00.008+03:00

പുതുതായിട്ട്‌ ഒരു പരുപാടി തുടങ്ങിയിട്ട് വേണ്ടപ്പെട്ടവരെയും നാട്ടുകാരെയും അറിയിക്കാതിരിക്കുന്നത് ശരിയല്ലല്ലോ. ഇതാ എന്‍റെ പുതിയ സംരംഭമായ 'മറ്റൊരിടം' പ്രവര്‍ത്തനമാരംഭിച്ച വിവരം എല്ലാ ബ്ലോഗു സന്ദര്‍ശകരെയും വീട്ടുകാരെയും നാട്ടുകാരെയും ഇതിനാല്‍ അറിയിച്ചു കൊള്ളുന്നു. ഒന്നാഗ്രഹിച്ചാല്‍ ഒന്നമര്‍ത്തിയാല്‍ നിങ്ങള്‍ക്കവിടെ ചെന്നെത്താം.

തുടക്കമാണ്; പരിമിദമായ അറിവും കഴിവും വെച്ചു തുടങ്ങിയതാണ്‌. തെറ്റുകുറ്റങ്ങള്‍ വല്ലതും കണ്ടാല്‍ ക്ഷമിക്കുക, എന്നിട്ടെന്നെ ഗുണദോഷിക്കാന്‍ മറക്കരുത്.

എല്ലാവരുടെയും സഹായ സഹകരണങ്ങള്‍ പ്രതീക്ഷിച്ചു കൊണ്ട് ബ്ലോഗര് അലിയാര് (ഒപ്പ്).

അമ്മായിമക്കും പുയ്യാപ്പളക്കും പച്ചക്കൊടി

2009-08-05T10:39:00.008+03:00

ഈ സ്ത്രീപീഡന നിയമം വന്നതിനു ശേഷം നമ്മുടെ നാട്ടില്‍ എത്രയോ ജഗജില്ലികളായ അമ്മായിയമ്മമാര്‍ പത്തി മടക്കിയിട്ടുണ്ട്. പീഡനത്തിന്റെ പേരില്‍ കുടുങ്ങിയാലുള്ള നിയമക്കുരുക്കുകളെയും നൂലാമാലകളെയും പേടിച്ചു മിണ്ടാതെ ഉരിയാടാതെയാണ് വന്നു കയറുന്ന മഹാലക്ഷ്മിയോടു (ഭദ്രകാളിയെന്നു മനസ്സില്‍ കരുതിയാലും) ഇവര്‍ പെരുമാറുന്നത്. ഇവരില്‍ പലര്‍ക്കും പിന്നീട് മാതൃകാ അമ്മായിയമ്മക്കുള്ള പാരിതോഷികങ്ങള്‍ പല ടെലിവിഷന്‍ പരിപാടികളിലും കൊടുക്കുന്നത് നമ്മള്‍ കണ്ടതുമാണ്.

എന്നാല്‍ അങ്ങനെ അമ്മായിയമ്മയെ ഇനി വരച്ച വരയ്ക്കു നിര്‍ത്താന്‍ വരട്ടെ! നമ്മുടെ നാട്ടിലെ എല്ലാ അമ്മായിയമ്മമാര്‍ക്കും പിന്നെ കെട്ടിയ പെണ്ണിന്‍റെ കണ്ണുനീരില്‍ അമ്മാനമാടാന്‍ ആഗ്രഹിക്കുന്ന പുയാപ്പളമാര്‍ക്കും നല്ല കാലം വരാന്‍ പോവുന്നു. പിന്നെ പ്രത്യേഗിച്ച് പറയേണ്ടതില്ലല്ലോ നമ്മുടെ മഹാലക്ഷ്മിമാരുടെ കഷ്ടകാലം.

നമ്മുടെ പരമോന്നത സുപ്രീംകോടതി ഇന്നലെ പുറപ്പെടുവിച്ച വിധിയില്‍ മരുമകളെ തോഴിക്കുന്നതും പിന്നെ 'നിന്നെ മൊഴി ചെല്ലുമെടീ, ത്വലാക്ക് ചെല്ലുമെടീ, വിധവയാക്കുമെടീ' എന്ന് പറയുന്നതൊന്നും ഇനി മുതല്‍ ക്രൂരതയല്ലത്രേ. ഇവരെ ഇതിന്‍റെ പേരില്‍ നിയമ നടപടിക്ക് വിധേയരാക്കാന്‍ പറ്റില്ല. അതുപോലെ തന്നെ അമ്മായിയമ്മയുടെ നിരന്തരമായ പഠിപ്പിക്കാലോ നാലാളുടെ ഇടയില്‍ ഇട്ടു നടക്കാന്‍ കൊള്ളാത്ത വസ്ത്രം മരുമകളെ ധരിപ്പിക്കാലോ ഒന്നും നമ്മുടെ നിയമവ്യവസ്ഥയിലെ 498A-ക്ക് കീഴില്‍ നിയമനടപടിക്ക് സാധുതയില്ലത്രേ.

പിന്നെ മരുമകള്‍ക്ക് ആകെയുള്ള ഒരാശ്വാസം, അമ്മായിമ്മക്കെതിരെ വിശ്വാസ വഞ്ചനക്കെതിരെ കേസെടുക്കാന്‍ പറ്റും എന്നതാണ്. അതിപ്പോള്‍ എന്തിനാണെന്ന് വെച്ചാല്‍.... കല്യാണത്തിനും മറ്റും ദമ്പതികള്‍ക്ക് കിട്ടുന്ന സമ്മാനങ്ങളും മറ്റും മോഷ്ടിച്ചതിന്റെ പേരില്‍. .......എങ്ങിനെ എങ്ങിനെയുണ്ട്‌ കേസുകെട്ടുകള്‍!

ഒരു വാക്ക്: ഇതെല്ലാം കേട്ട് ആലങ്കുഷരായി വെറുങ്ങലിച്ചു നില്‍ക്കുന്ന മഹാലക്ഷ്മി മരുമകളെ Don't worry നാളത്തെ അമ്മായിയമ്മയുടെ റോള്‍ നിങ്ങള്‍ക്കുള്ളതാണ് .…be prepared.

അങ്ങ് അകലെയുള്ള എന്‍റെ നാട്

2009-07-27T16:46:00.022+03:00

പ്രവാസ ജീവിതമാകുമ്പോള്‍ നഷ്ടപ്പെടാനേ ഉള്ളൂ എന്ന് ആരോ പറഞ്ഞതു എത്ര ശരി. കണ്ണിനു കുളിര്‍മ തരുന്ന നാടിന്‍റെ നല്ല കാഴ്ചകള്‍ കാണാന്‍ ഞങ്ങള്‍ പ്രവാസികള്‍ക്ക് ഒന്നോ രണ്ടോ വര്‍ഷം കാത്തിരിക്കണം. വര്‍ഷാവര്‍ഷം പോവാന്‍ പറ്റുന്നത് നല്ല ജോലിയും സൗകര്യവും ഉള്ള വളരെ കുറച്ചു പേര്‍ക്ക് മാത്രം; അല്ലാത്ത ഭൂരിഭാഗം വരുന്നവര്‍ക്കു ചുരുങ്ങിയത് രണ്ടു വര്‍ഷം കാത്തിരിക്കണം ജനിച്ച നാടൊന്നു കാണാന്‍. കാലങ്ങളെ കൊണ്ടു മാറ്റം വരുത്താന്‍ പറ്റാത്ത ഞങ്ങളുടെ അരിയല്ലൂര്‍ അങ്ങാടിയുടെ ഭംഗി ആസ്വദിക്കാന്‍ ഈ ബ്ലോഗിലൂടെ ഞാന്‍ നിങ്ങളെ ക്ഷണിക്കുകയാണ്, നമുക്കൊന്ന് കറങ്ങാം. എല്ലാം ഉണ്ടിവിടെ,

അരിയലൂരിലെ പ്രധാന വ്യാപാര കേന്ദ്രം.

കൊലാക്കല്‍ സൈദലവിക്കയാണ് ആ നടന്നു വരുന്നത്. അരിയല്ലൂര്‍/വള്ളിക്കുന്ന് നിവാസികക്ക് സുപരിചിതന്‍.

അഹമ്മദ്‌ കോയാക്കയുടെ നേതൃത്വത്തില്‍ മീന്‍ മാര്‍ക്കറ്റ്‌ എപ്പോഴും സജീവം.

ബാലേട്ടന്റെ ഷിജി ഫ്ലോര്‍ മില്‍, അരിയല്ലൂരിലെ എല്ലാ വീടുകളിലെയും അരിയും ഗോദമ്പും പോടിപ്പിച്ചിരുന്നത് ഇവിടെ നിന്നാണ്. ഇന്നും പ്രവര്‍ത്തിക്കുണ്ടോ ആവോ?

വീശുന്നവരെ നിരാശരാക്കാറില്ല, അല്‍പം വീശി തന്നെ പോവാം.

ഇപ്പോള്‍ ഇത്രയേ ഉള്ളൂ. അരിയല്ലുരിനെ പറ്റിയുള്ള വിവരങ്ങളും കാഴ്ചകളും പറയാന്‍ ഇനിയും ഒരുപാടുണ്ട്, പക്ഷെ അതൊക്കെ ഈ ബ്ലോഗിലൂടെ അറിയിക്കാന്‍ നിന്നാല്‍ എന്‍റെ ആപ്പീസ് പണി പോവും. ജോലി സമയത്താണേ ഈ ബ്ലോഗു വേല.... അപ്പോള്‍ ഇത്രയേ പറ്റൂ.
ഇനി നിങ്ങള്‍ പറ, ആധുനിക പുരോകതിയുടെ പേരില്‍ പ്രക്രിതോയോടു ഒരു ക്രൂരതയും കാണിക്കാതെ തനി നാടനായി നിലകൊള്ളുന്ന വള്ളിക്കുന്ന് പഞ്ചായത്തിലെ അരിയല്ലൂര്‍, അങ്ങ് അകലെയുള്ള ഞങ്ങളുടെ ഈ നാട്, കാണാന്‍ നല്ല ചന്തമില്ലെ?

വാട്ട് ആന്‍ ഐഡിയ മല്ലൂ!!

2009-07-16T08:51:00.003+03:00

ഇത് അറബ് ന്യൂസ് പത്രത്തില്‍ വന്ന വാര്‍ത്ത. 28 കാരനായ ബോംബെക്കാരന്‍ അഹമദ് ഫഹദ്‌ അവസാനം തന്‍റെ പിതാവിനെ കണ്ടെത്തി. ഒരു നോക്ക് കാണാത്ത സൗദിയായ പിതാവിനെ കണ്ടെത്താനായി ഇന്ത്യയില്‍ നിന്നും ദമാമില്‍ എത്തിയ അഹമദിന് തന്‍റെ പരിശ്രമങ്ങള്‍ എല്ലാം പരാജയമായപ്പോള്‍ എല്ലാ പ്രതീക്ഷകളും നഷ്ടപ്പെട്ടിരുന്നു. അവസാനം ഒരു 'കേരലൈറ്റ്‌' (മല്ലു) സുഹൃത്തിന്റെ തലയിലുദിച്ച ചെറിയ ബുദ്ധി പ്രകാരം നടത്തിയ അന്വേഷണത്തില്‍ അഹമദിന് തന്‍റെ ഉപ്പയെ കണ്ടെത്താനായി. സൗദിയിലെന്നല്ല ലോകത്ത് എവിടെയും പ്രവാസി മലയാളികള്‍ക്കിടയില്‍ ഒരു വലിയ കൂട്ടായ്മയും പരസ്പര ബന്ധവും ഉണ്ട്. ആ വിശ്വാസം ഒന്നു മാത്രമായിരുന്നു ബോംബെ എന്ന വലിയ നഗരത്തില്‍ നിന്നും വന്ന അഹമദിനു തന്‍റെ മലയാളിയായ സുഹൃത്ത് പറഞ്ഞ വഴിക്ക് അന്വേഷിക്കാന്‍ പ്രേരിപ്പിച്ചത്. അയല്‍ സംസ്ഥാനങ്ങളില്‍ നിന്നു വരുന്ന ചില അല്പന്മാര്‍ മലയാളികളെ 'മല്ലൂ' എന്ന് വിളിച്ചു പരിഹസിക്കുകയും ചവിട്ടി താഴ്ത്താന്‍ ശ്രമിക്കുകയും ചെയ്യാറുണ്ട്. ഇതെല്ലാം വായിച്ചു അവര്‍ മനസ്സിലാക്കട്ടെ 'യെ മല്ലൂസ് കിസി സെ കം നഹി.

ടീച്ചര്‍ക്ക് പറ്റിയ അമളി ഒരു പാഠം

2009-07-13T16:45:00.005+03:00

സംഭവം നടന്നത് അങ്ങ് അമേരിക്കയില്‍. കാലിഫോര്‍ണിയയിലെ ഇസബെല്ലെ ജാക്സന്‍ എലെമെന്ട്രി സ്കൂളിലെ ഒരധ്യാപിക ഇപ്പോള്‍ പരിദപിക്കുന്നുണ്ടാവും തനിക്ക് പറ്റിയ ഈ അമളിയെ കുറിച്ച് ഓര്‍ത്ത്‌. സ്കൂളിനെ കുറിച്ചുള്ള തന്‍റെ ഓര്‍മകളെ അടക്കം ചെയ്ത DVD ക്ക് പകരം കൈപിഴയായി ടീച്ചര്‍ സ്കൂളിലെ കുട്ടികള്‍ക്ക് നല്കിയത് തന്‍റെ തന്നെ അശ്ലീല വേലകള്‍ അടങ്ങിയ ഒന്നാന്തരം DVD. കുട്ടികളുടെ രക്ഷിതാക്കളില്‍ ഒരാള്‍ വിളിച്ചു പറയുന്നതു വരെ ടീച്ചര്‍ക്ക് DVD മാറിപ്പോയ വിവരം അറിയില്ലായിരുന്നു, ടീച്ചര്‍ ഉടനെ തന്നെ മറ്റു രക്ഷിതാക്കളെ വിളിച്ചു സംഗതി നശിപ്പിക്കാനായി യാചിക്കാന്‍ തുടങ്ങി. നല്ല നടപ്പിനുള്ള ബഹുമതി പണ്ടെങ്ങോ ഈ ടീച്ചര്‍ക്ക് കുട്ടിയത് കണക്കിലെടുത്ത് സ്കൂള്‍ ഭാരവാഹികള്‍ തല്‍കാലം ജോലിയില്‍ നിന്നു പിരിച്ചു വിട്ടില്ല, ഭാഗ്യം. അമേരിക്കയല്ലെ, ഇത്തരം സെക്സ്കര്‍മങ്ങള്‍ ആര്‍കും പറ്റും, നമ്മള്‍ ഇടക്കിടെ ചായ കുടിക്കുന്ന പോലെ.

അടിക്കുറിപ്പ്: ഇപ്പോള്‍ ഡിജിറ്റല്‍ ക്യാമറയുടെ യുഗമാണ്, ആര്‍ക്കും എന്തും എവിടെ വെച്ചും എപ്പോള്‍ എങ്ങിനെ വേണമെങ്കിലും സ്ടില്ലായും ലൈവായും പകര്‍ത്താം. എന്തും CD യിലേക്ക് പകര്‍ത്താനും വളരെ എളുപ്പമാണ്, പക്ഷെ ഒളിഞ്ഞിരിക്കുന്ന ഇതുപോലത്തെ വിപത്തിനെ കുറിച്ച് ഒന്നാലോചിക്കുന്നത് നന്ന്. ഒന്നും ഡിലീറ്റ് ചെയ്യാനും നശിപ്പിക്കാനും മറക്കല്ലേ.... മാനം പോവും.

പുതിയ മുഖം

2009-07-09T08:51:00.009+03:00

മൈക്രോസോഫ്ടിന്‍റെ ജാലക വാതില്‍ കൊട്ടിയടക്കാന്‍ സമയമായെന്ന് തോന്നുന്നു. ഇതാ വരുന്നു ഗൂഗിള്‍ പുതിയ ഓപറേറ്റിങ്ങ്‌ സിസ്ടവുമായി. 2010-ന്‍റെ പകുതിയോടെ ഇതു വിപണിയില്‍ ലഭ്യമാകും. ഗൂഗിളിന്‍റെ തന്നെ 'ക്രോം' ഇന്‍റര്‍നെറ്റ് എക്സ്പ്ലോററിനു വലിയ തിരിച്ചടിയായിരുന്നു. ഈ പുതിയ സംരമ്പത്തെ വലിയ പ്രതീക്ഷയോടെയാണ് ലോകം കാത്തിരിക്കുന്നത്. കൂടുതല്‍ വിവരങ്ങള്‍ക്ക്, ദാ ഇവിടെ ക്ലിക്കുക....

പുതിയ വാര്‍ത്തകള്‍

2009-07-07T11:00:00.033+03:00

31.12.2009

മദീനയില്‍ നിന്ന് ഇന്ന് പുലര്‍ച്ചെ 2:45നു പുറപ്പെട്ട ഉപ്പയും ഉമ്മയും കരിപ്പൂരില്‍ 10:40നു സുഖമായി എത്തി. യാത്രഅയപ്പ് പോലെ തന്നെ ഒരു ഗംഭീര സ്വീകരണമായിരുന്നു ഇവര്‍ക്ക് കരിപ്പൂര്‍ എയര്‍പോര്‍ട്ടില്‍ ലഭിച്ചത്.

30.12.2009

നാട്ടിലേക്ക് പുറപ്പെടാനായി ഉപ്പയും ഉമ്മയും രാത്രി 8 മണിക്ക് മദീനയിലെ റൂമില്‍ നിന്ന് എയര്‍ പോര്‍ട്ടിലേക്ക് പുറപ്പെട്ടു.

22.12.2009

ഉപ്പയും ഉമ്മയും ഇന്നലെ ഉച്ചക്ക് 12 മണിക്ക് മക്കയില്‍ നിന്ന് പുറപ്പെട്ട് രാതി 10 മണിയോട് കൂടി മദീനയില്‍ എത്തി. 10 മണിക്കൂറോളം തുടര്‍ച്ചയായി ബസ്സില്‍ ഇരുന്നതിന്റെ ക്ഷീണം ഉണ്ടായിരുന്നെങ്കില്‍ കൂടി സുഖമായി തന്നെ മദീനയില്‍ എത്തി. മദീനയില്‍ നിന്ന് ഈ മാസം 30നാണ് നാട്ടിലേക്ക് തിരിക്കുന്നത്.

08.12.2009

ജിദ്ദ സന്ദര്‍ശനം പൂര്‍ത്തിയാക്കി ഉപ്പയും ഉമ്മയും മക്കയിലേക്ക് മടങ്ങി. ഈ മാസം 21ന് മദീനയിലേക്ക് പോവും. മദീനയില്‍ നിന്ന് 30ന് നാട്ടിലേക്ക് മടങ്ങും.

05.12.2009

ഉപ്പയും ഉമ്മയും രാത്രി 8 മണിക്ക് ജിദ്ദയില്‍ എത്തി, കൂടെ VP അബ്ദുല്‍ റഹിമാന്‍ ഹാജിയും (റൈച്ചൂര്‍) ഭാര്യയും ഉണ്ട്. വേണ്ടപ്പെട്ട എല്ലാ നാട്ടുകാരെയും കുടുംബക്കാരെയും ഒന്ന് നേരില്‍ കണ്ടു മടങ്ങാമെന്ന ഉദ്ദേശത്തോടെയാണ് ഇവര്‍ ജിദ്ദയില്‍ എത്തിയത്, രണ്ടു മൂന്നു ദിവസം ജിദ്ദയില്‍ ഉണ്ടാവും.

ഉപ്പയും ഉമ്മയും ഇന്ന് രാത്രി ജിദ്ദയിലേക്ക് പുറപ്പെടും. ജിദ്ദയില്‍ ഇവര്‍ക്ക് വേണ്ട താമസ സൗകര്യം അസീസ്കയും (vpm) കബീറും (vp) അവരുടെ ഫ്ലാറ്റില്‍ ഒരുക്കിയിട്ടുണ്ട് (രണ്ടു പേര്‍ക്കും കല്പാലം ബ്രദേഴ്സിന്റെ വക പ്രത്യേകം നന്ദി അറിയിച്ചു കൊള്ളുന്നു). ഒന്ന് രണ്ടു ദിവസം ജിദ്ദയില്‍ തങ്ങി മക്കയിലേക്ക് തന്നെ മടങ്ങും. ഇവരുമായി ബന്ധപ്പെടാന്‍ 0507732489 എന്ന നമ്പറില്‍ വിളിക്കുക. ഇവരുടെ കൂടെ വലിയപറമ്പില്‍ അബ്ദുല്‍ റഹിമാന്‍ ഹാജിയും (റൈച്ചൂര്‍) ഭാര്യയും ജിദ്ദയിലേക്ക് വരുന്നുണ്ട്.

02.12.2009

ജോലി ആവശ്യാര്‍ത്ഥം ഒരു ദിവസത്തെ ഹ്രസ്വ സന്ദര്‍ശനത്തിനു ബഷീര്‍കാക്ക ജിദ്ദയില്‍ നിന്ന് റിയാദില്‍ ഇന്നലെ എത്തി. ഇന്നലെ രാത്രി അഫ്സര്‍ & ഫാമിലിയുടെ കൂടെ കഴിഞ്ഞു ഇന്ന് രാവിലെ 9:30ന് ബസ്സിനു ജിദ്ദയിലേക്ക് തന്നെ മടങ്ങി.

30.11.2009

ഹജ്ജ് കര്‍മ്മങ്ങള്‍ എല്ലാം പൂര്‍ത്തിയാക്കി ഉപ്പയും ഉമ്മയും മക്കയിലേക്ക് മടങ്ങി. ഡിസംബര്‍ മാസം 20ന് ഇവര്‍ മദീനയിലേക്ക് പുറപ്പെടും. 30.12.2009ന് മദീനയില്‍ നിന്ന് നാട്ടിലേക്ക് തിരിക്കും.

25.11.2009

ഹജ്ജ് കര്‍മ്മത്തിന് തുടക്കം കുറിച്ച് കൊണ്ട് ഉപ്പയും ഉമ്മയും മീനായില്‍ എത്തി. നാളെ 26.11.2009ന് പുലര്‍ച്ചെ സുബഹി നമസ്കാരം കഴിഞ്ഞു അറഫായിലേക്ക് പുറപ്പെടും. ഹജ്ജ് കര്‍മ്മത്തിലെ ഏറ്റവും പ്രധാനപ്പെട്ട ഒന്നാണ് നാളെ അസ്തമയം വരെയുള്ള അറഫയിലെ സംഗമം. "ലബ്ബൈകല്ലാഹുമ്മ ലബ്ബൈക്, ലബ്ബൈക ലാ ശരീക ലക ലബ്ബൈക്, ഇന്നല്‍ഹംദ വന്നിഎമത ലക വല്‍മുല്‍ക് ലാ ശരീക ലക് ......"

18.11.2009

ഉപ്പയും ഉമ്മയും ഇന്നലെ രാത്രി 8 മണിക്ക് ജിദ്ദയില്‍ വന്നിറങ്ങി. എയര്‍പോര്‍ട്ടിലെ എമിഗ്രേഷനും മറ്റു നടപടികളും എല്ലാം പൂര്‍ത്തിയാക്കി 10:30ന് പുറത്തിറങ്ങി ബസ്സില്‍ മക്കയിലേക്ക് പുറപ്പെട്ടു. ബഷീര്‍ക്ക ജിദ്ദയില്‍ നിന്ന് ഇതേ സമയം മക്കയിലേക്ക് പുറപ്പെട്ടിരുന്നു. യാതൊരു പ്രയാസവും കൂടാതെ തന്നെ ഇവര്‍ക്ക് തമ്മില്‍ മക്കയില്‍ വെച്ചു കാണാനായി. 3 മണിക്കൂറില്‍ കൂടുതല്‍ സമയമെടുത്തു ജിദ്ദയില്‍ നിന്ന് മക്കയില്‍ എത്താന്‍. മസ്ജിദുല്‍ ഹറമിനോട് ഏകദേശം അടുത്തായി തന്നെ (ഒരു പത്തു മിനിറ്റ് നടക്കണം) ഇവര്‍ക്ക് താമസിക്കാനുള്ള റൂം കിട്ടി. യാത്ര ക്ഷീണം മാറ്റാന്‍ കുറച്ചു സമയം വിശ്രമിച്ചതിനു ശേഷം അതി രാവിലെ തന്നെ ഉപ്പയും ഉമ്മയും ഹറമിലേക്ക് പുറപ്പെട്ടു, ത്വവാഫും മറ്റു കര്‍മങ്ങളും തുടങ്ങി.

15.11.2009

ഇന്‍ഷാ-അള്ളാ ഉപ്പയും ഉമ്മയും നാളെ 16/11/2009ന് ഹജ്ജ്‌ യാത്രക്കായി വീട്ടില്‍ നിന്ന് ഉച്ചക്ക്‌ 2 മണിക്ക് പുറപ്പെടും. പിറ്റെ ദിവസം 17/11ന് ഉച്ചക്ക്‌ 3 മണിക്കാണ് കരിപ്പൂരില്‍ നിന്ന് വിമാനം വഴി ജിദ്ദയിലേക്ക് പുറപ്പെടുക. ഒഴിവു വന്ന സീറ്റിലേക്ക് അവസാന നറുക്കെടുപ്പിലൂടെയായിരുന്നു ഇവര്‍ക്ക് ഇപ്രാവശ്യത്തെ ഹജ്ജിനായി അവസരം കിട്ടിയത്. അതുകാരണം വളരെ വൈകിയാണ് പുറപ്പെടാനുള്ള തിയ്യതി ഹജ്ജ്‌ ഹൗസില്‍ നിന്ന് അറിയാനായത്. സൗദിയില്‍ ഇവരുമായി ഫോണില്‍ ബന്ധപ്പെടാന്‍ ഈ നമ്പരില്‍ വിളിക്കുക 0507732489 (സൗദിക്ക് വെളിയില്‍ നിന്ന് വിളിക്കാന്‍ 00966507732489).

30.9.2009

ഉപ്പക്കും ഉമ്മക്കും ഹജ്ജിന് ആവശ്യമായ പൈസ ഇന്നലെ ബാങ്ക് വഴി കെട്ടി. ഇന്ന് മെഡിക്കല്‍ പുളിക്കലുള്ള ഒരു ഹോസ്പിറ്റലില്‍ വെച്ച്. വൈകുന്നേരത്തിനു മുമ്പ് മെഡിക്കല്‍ റിസള്‍ട്ട് ഹജ്ജ്‌ ഹൌസില്‍ എത്തിക്കാനാവും, ഇന്‍ഷാ-അല്ലാഹ്. സമയമില്ലാത്തത് കൊണ്ട് എല്ലാം വളരെ പെട്ടെന്നാവണം.

27.9.2009

സന്ദര്‍ശന വിസയില്‍ ദേവതിയാലിലെ മൂത്താപ്പയും (അസൈനാര്‍ മാസ്റ്റര്‍) മൂത്തമ്മയും തിരുവനന്തപുരം വഴി ഖത്തറിലേക്ക് ഇന്നലെ പുറപ്പെട്ടു. മകന്‍ റസാക്കും കുടുംബവും ഇവരെ കൊണ്ട് പോവാനായി ഖത്തറില്‍ നിന്നും നാട്ടില്‍ എത്തിയിരുന്നു.

27.9.2009മക്കയില്‍ ഒരുമാസത്തെ ഉംറ നിര്‍വഹണം കഴിഞ്ഞു ഇന്ന് രാവിലെ അമ്മായി 7 മണിക്ക് നാട്ടില്‍ തിരിച്ചെത്തി.

27.9.2009 തുടര്‍ച്ചയായ മൂന്നു വര്‍ഷത്തെ കാത്തിരിപ്പിന് ശേഷം ഉപ്പക്കും ഉമ്മക്കും ഇപ്പ്രാവശ്യത്തെ ഹജ്ജിന്‍റെ ക്വാട്ടയിലേക്ക് അവസാനഘട്ട നറുക്കെടുപ്പിലൂടെ അവസരം ലഭിച്ചു... അല്‍ഹമ്ദുലില്ലാഹ്. തുടര്‍ച്ചയായി മൂന്നു വര്‍ഷവും കിട്ടാതെ പിന്തള്ളപ്പെട്ട അപേക്ഷകര്‍ക്കായി ഇന്നലെ ഹജ്ജ്‌ ഹൌസില്‍ നടത്തിയ പ്രത്യേക നരുക്കെടുപ്പിലൂടെയാണ് ബാക്കിയുള്ള നാനൂറു സീറ്റിലേക്ക് ഇപ്പ്രാവശ്യത്തെ ഹജ്ജിനായി തിരഞ്ഞെടുത്തത്.

21.8.2009 അമ്മായിയുടെയും (പാത്തുട്ടി) മകള്‍ ഉമ്മുട്ടിയുടെയും യാത്രാ രേഖകള്‍ എല്ലാം ശരിയായി. അവര്‍ വരുന്ന ബുധനാഴ്ച 26/8/2009നു രാത്രി കരിപ്പൂരില്‍ നിന്നും ജിദ്ദയിലേക്ക് പുറപ്പെടുന്നു. ഇവരുടെ കൂടെ ഉംറ നിര്‍വഹിക്കാനായി വളരെ അടുത്ത കുടുംബത്തില്‍പെട്ട ഒന്നു രണ്ടു പേരും കൂടി വരുന്നുണ്ട്.

13.8.2009
ഗ്രൌണ്ട് ഫ്ലോറിന് ആവശ്യമായ കല്ലുകള്‍ എത്തിക്കഴിഞ്ഞു, കല്ല്‌ ചെത്തും ആരംഭിച്ചു. പൂഴി (മണല്‍) കിട്ടാനാണ്‌ പാട്.

29.7.2009 വീടുപണിക്ക് ആവശ്യമായ കല്ലുകളും മറ്റു സാധനങ്ങളും അടിച്ചു തുടങ്ങി. തറയുടെ പണി നേരത്തെ തന്നെ കഴിഞ്ഞിരുന്നു. മഴ കാരണം സാധനങ്ങള്‍ കിട്ടാനില്ല, ഇനി കഷ്ടപ്പെട്ട് കിട്ടിയാല്‍ തന്നെ അത് സൈറ്റില്‍ എത്തിക്കാന്‍ റോഡിന്റെ ദുരവസ്ഥ കാരണം നല്ല പാടാണ്.

23.7.2009
പാത്തുട്ടി അമ്മായിയും മകള്‍ ഉമ്മുട്ടിയും പിന്നെ വളരെ അടുത്ത കുടുംബത്തില്‍പെട്ട ഒന്നു രണ്ടു പേരും കൂടി ഉംറ നിര്‍വഹിക്കാനായി വരുന്ന ആഗസ്റ്റ്‌ മാസം ആദ്യ വാരത്തില്‍ സൗദിയില്‍ എത്തുന്നു എന്ന് വിശ്വസനീയമായ കേന്ദ്രങ്ങള്‍ റിപ്പോര്‍ട്ട് ചെയ്തു. പാസ്പോര്‍ട്ട് സംബന്ധമായ ചില കാര്യങ്ങള്‍ ഇനിയും പൂര്‍ത്തിയാവാനുള്ളത് കാരണം വ്യക്തമായ യാത്രാ വിവരം അറിവായിട്ടില്ല. സൗദിയില്‍ എത്തിയാല്‍ അവര്‍ക്ക് വേണ്ട എല്ലാ സഹായാസ്‌തവുമായി മക്കളായ റസാക്കും (ബാപ്പുട്ടിക്ക) ഹസ്സനും, അളിയനും, കുടുംബക്കാരും പിന്നെ വേണ്ടപെട്ട നാട്ടുകാരും ജിദ്ദ-മക്ക പരിസരങ്ങളിലായി ഉണ്ട്.

17.7.2009
ബാപ്പുട്ടിക്കയുടെ മകളുടെ കല്യാണത്തിലും പങ്കെടുത്ത് ഗഫൂര്‍ മദ്രാസിലേക്ക് തിരിച്ചു പോയി.

16.7.2009
കിഴക്കീലെ പള്ളിയാളി മൊയ്ദീന്‍ കുട്ടിയുടെ (ബാപ്പുട്ടിക്ക) ഇളയ മകള്‍ രഹിയാനത്തിന്റെ കല്യാണം ഇന്ന്. വരന്‍ തേഞ്ഞിപ്പലം പന്ജായത്തിലെ കടക്കാട്ടുപാറ സ്വദേശി. ഗള്‍ഫുകാരനാണ്.

7.7.2009
ഗഫൂറും സകരിയയും കുടുംബ സമേധം നാളെ മദ്രാസില്‍ നിന്നും നാട്ടിലേക്ക് തിരിക്കുന്നു.

ജ്യേഷ്ഠന്‍ ഗഫൂറും സ്നേഹിതന്‍മാരും കൂടി മദ്രാസില്‍ തുടങ്ങിയ പുതിയ കടയുടെ ഉല്‍ഘാടനം ഇന്നലെ 6/7/2009-നു കഴിഞ്ഞു. ഉദ്ഘാടന ചടങ്ങുകളില്‍ പങ്കെടുക്കാന്‍ ആബിദയും (ഗഫൂറിന്റെ ഭാര്യ) സായിമോനും നാലുദിവസം മുന്നെതന്നെ മദ്രാസില്‍ എത്തിയിരുന്നു. ഉറ്റ സ്നേഹിതന്‍ സകരിയ്യയും കുടുംബ സമേധം ചടങ്ങിനു സാക്ഷിയായിരുന്നു.

2.7.2009
ആറു മാസത്തെ നാട്ടിലെ സുഖവാസത്തിനു ശേഷം ജലീല്‍ കെ. ടി. നാട്ടില്‍ നിന്നും ഇന്നലെ സൗദിയിലെ ദമാമില്‍ തിരിച്ചെത്തി.

അളിയന്‍ വന്നു, കോളുമായി

2009-06-20T15:28:00.008+03:00

അളിയന്‍ അമീര്‍ നാട്ടില്‍ നിന്നും കഴിഞ്ഞ ആഴ്ച ലീവ് കഴിഞ്ഞു സൗദിയിലെ ദമാമില്‍ തിരിച്ചെത്തി. എല്ലാവരെയും വിട്ടു പിരിഞ്ഞു വന്നതിന്‍റെ വിഷമത്തിലാണ് പുള്ളി. അതുകൊണ്ട് തന്നെ റിയാദിലേക്ക് വരാന്‍ അവനു വല്ലാത്ത തിടുക്കമായിരുന്നു, കുട്ടികളുടെ കൂടെ കൂടി കഴിഞ്ഞാല്‍ അല്‍പ ദിവസത്തെക്കെങ്കിലും ഈ ഹാങ്ങ്‌ഓവര്‍ ഒന്ന് മാറിക്കിട്ടുമല്ലോ... ഞങ്ങള്‍ക്ക് തിരിച്ചും, നാട്ടില്‍ നിന്ന് വന്നതല്ലെ, എന്തെങ്കിലും തടയാതെ ഇരിക്കില്ല എന്ന പ്രതീക്ഷയിലും.

ഏതായാലും നാട്ടിലെ ശീലം ഇവിടെ ഗള്‍ഫിലും ആവര്‍ത്തിച്ചു. അളിയന്‍ വന്നു കൊളുമായിട്ടു തന്നെ. അളിയാ നിങ്ങളാണ്അളിയാ അളിയന്‍. ഫോട്ടോയില്‍ പകര്‍ത്താനായിട്ടു ഇത്രയേ ബാക്കി വെച്ചുള്ളൂ..... (നല്ല കോഴിക്കോടന്‍ ഹലുവ, ചെറി ഫ്രൂട്ട് പിന്നെ രണ്ട് കെട്ട് പപ്പടം). വന്നു കയറിയ താമസം എല്ലാവരും കൂടി മറ്റു സാധനങ്ങള്‍ എല്ലാം കാലിയാക്കി. അടുത്ത പ്രാവശ്യം എന്തായാലും ഫോട്ടോ സെഷന്‍ കഴിഞ്ഞേ തീറ്റ പരിപാടി തുടങ്ങൂ.

ഇത് അരങ്ങേറ്റം

2009-06-20T11:31:00.007+03:00

റിയാദ് ഇസ്ലാഹി സെന്ററിനു കീഴിലുള്ള സലഫി മദ്രസ്സയുടെ വാര്‍ഷികാകോഷ പരിപാടിയുടെ വേദിയില്‍ ഇന്നലെ നവീദിനു അരങ്ങേറ്റമായിരുന്നു. സൗദി അറബിയയെയും അബ്ദുള്ള രാജാവിനെയും പുകഴ്ത്തി പാടിയും ആടിയും നവീദും കൂട്ടരും അരങ്ങു തകര്‍ത്തു. ചില രംഗങ്ങളിലൂടെ ....

ഒരുക്കം

2009-06-18T10:40:00.002+03:00

ഇത് നവീദ് ബിന്‍ അഫ്സര്‍ ബിന്‍ അബ്ദുള്ള അക്കല്പാലത്തിന്‍ങ്ങല്‍. കഠിനമായ പരിശീലനത്തിലാണ്. റിയാദിലെ സലഫി മദ്രസ്സയുടെ വാര്‍ഷികാകോഷ പാരിപാടിയില്‍ നവീദിന്‍റെയും കൂട്ടരുടെയും വക ഒരു സൗദി സ്റ്റൈല്‍ ഡാന്‍സ്ഉണ്ട്. പരിശീലനത്തിനിടെ ഒപ്പിയെടുത്ത ചില രംഗങ്ങള്‍ കണ്ടാലും.

Note the point: വീട്ടിലെ പരിശീലനം, നാട്യ നൃത്ത നടന കലയില്‍ സ്വന്തമായി വെക്തിമുദ്ര പതിപ്പിച്ച, എന്നാല്‍ ഒറ്റ സ്റ്റേജിലും കയറാത്ത, ഈ പാവം ബ്ലോഗറുടെ കീഴിലാണ്.

ആര്‍ക്കും വേണ്ടാത്ത ഒരു ചിക്കന്‍

2009-05-13T11:16:00.009+03:00

ചിക്കന്‍ കഴിക്കാന്‍ ഇഷ്ടപ്പെടാത്തവരായി ആരും തന്നെ ഉണ്ടാവില്ല. അഥവാ ഇനി ഉണ്ടെങ്കില്‍ തന്നെ അത് മൂലക്കുരുവിന്‍റെ അസുഖം ഉള്ളവരായിരിക്കും, തിന്നാല്‍ എപ്പോ ചോര പോയെന്ന് ചോദിച്ചാല്‍ മതി. എന്‍റെ കുട്ടിക്കാലത്ത് കോഴിയിറച്ചി കൂട്ടാനുള്ള അടങ്ങാത്ത പൂതി കാരണം എന്നും അളിയന്‍ വിരുന്നു വരണമേ.. എന്ന് ഉറക്കമൊഴിച്ചിരുന്നു പ്രാര്‍ത്തിച്ചിട്ടുണ്ട്. അളിയനോ മറ്റു വേണ്ടപ്പെട്ടവരോ വന്നാല്‍ മാത്രമേ വീട്ടില്‍ കോഴിയിറച്ചി കൊണ്ടുള്ള ഒരു വിഭവം ഉണ്ടാക്കുകയുള്ളൂ. ഒരു കോഴിയും തിന്നാനായി പത്തു പതിനഞ്ചു മെമ്പര്‍മാരും കാണും, കഷ്ണം ഇല്ലെങ്കിലും അറ്റ്‌ലീസ്റ്റ് അതിന്‍റെ ചാറു കൊണ്ടെങ്കിലും തൃപ്തിപ്പെടാം.

പറഞ്ഞു വന്നത് അതല്ല; ആര്‍ക്കും വേണ്ടാത്ത ഒരു ചിക്കനെ പറ്റിയാണ്. ഇയിടെ എനിക്കു കിട്ടി ഒരു വെറൈറ്റി ചിക്കന്‍, എനിക്കു മാത്രമല്ല എന്‍റെ രണ്ടു മക്കള്‍ക്കും. തുടക്കത്തില്‍ ശരീരത്തില്‍ രണ്ടു ചെറിയ പുള്ളികളായി വന്നു പിന്നെ മേലാസകലം പകര്‍ന്നു നാലാഴ്ചയോളം ഞങ്ങളുടെ വീട്ടില്‍ കേള്‍കാന്‍ വളരെ രസമുള്ള എന്നാല്‍ അനുഭവിക്കാന്‍ ഒട്ടും സുഖമില്ലാത്ത പോക്സെന്നു പേരിന്‍റെ കൂടെ വാലും കൂടിയുള്ള 'ചിക്കന്‍ പോക്സ്‌' വന്നു വിലസി പോയി.

പുണ്യ സ്ഥലങ്ങളിലൂടെ ഒരു യാത്ര

2009-04-25T17:06:00.005+03:00

ഇയിടെ ഞാന്‍ കുടുംബസമേദം നടത്തിയ മക്ക മദീന സന്ദര്‍ശനത്തിനിടെ എടുത്ത ചരിത്രപ്രസിദ്ധമായ സ്ഥലങ്ങളുടെ ഫോട്ടോസാണിത്.

ആന്‍ഡ് 3rd റാങ്ക്‌ ഗോസ് ടു .....

2009-04-02T09:39:00.003+03:00

റിയാദിലെ പാക്കിസ്ഥാന്‍ മാനേജ്മെണ്ടിന്റെ കീഴിലുള്ള ലിറ്റില്‍ സണ്ണി സ്കൂളില്‍ ഈ കഴിഞ്ഞ LKG/UKG വാര്‍ഷിക പരീക്ഷയില്‍ A+ ഗ്രേഡോടെ നവീദിന് മൂന്നാം റാങ്ക് കിട്ടി.

വയര്‍ലെസ്സ് ലോകം

2009-03-30T15:06:00.007+03:00

ഇത് വയര്‍ലെസ്സ് യുഗം. ടെലെഫോണ്‍, മൊബൈല്‍, കമ്പ്യൂട്ടര്‍ എന്ന് വേണ്ട എല്ലാ സാങ്കെതിക വിദ്യയും ഇന്ന് വയര്‍ ഇല്ലാതെ പുതിയ രൂപത്തില്‍ ഇറങ്ങിക്കൊണ്ടിരിക്കുകയാണ്. ഒരര്‍ഥത്തില്‍ തീര്‍ത്തും ആവശ്യമില്ലാത്ത ഈ വയറിനെ ഉപയോക സൌകര്യത്തിനായി അങ്ങ് മുറിച്ചു മാറ്റി എന്ന് തന്നെ പറയാം. എവിടെയും എങ്ങിനെയും ഉപയോകിക്കാമെന്ന രീതിയിലായി കാര്യങ്ങള്‍ എല്ലാം മാറി ഹാണ്ടിയായി.

പക്ഷെ ഇതൊന്നും അത്ര കാര്യമാക്കാതെ നമ്മുടെ ഇടയില്‍ ഇന്നും ഒരു 'വയര്‍' വിലസി നടക്കുന്നുണ്ട്. അതുകൂടി ഇല്ലാതാക്കിയാലെ 'വയര്‍ലെസ്സ്' എന്ന പ്രയോകം പൂര്‍ണമായും ശരിയാവുകയുള്ളൂ.

ആളെ പിടി കിട്ടിയില്ലേ? നമ്മുടെ കുടവയറു തന്നെ കക്ഷി. ഇവനറിയില്ലല്ലോ അതും പേറി നടക്കുന്ന ഉടമയുടെ ബുദ്ധിമുട്ട്‌. മനസ്സ് വെച്ചാല്‍ നമുക്കും ഇവനെ പടി കടത്താവുന്നതെയുള്ളൂ, പക്ഷെ അവനവന്‍ തന്നെ വിചാരിക്കണം. അല്ലാതെ നേര്‍ച്ചക്കടം വീട്ടാന്‍ പോവുന്നവന്റെ കയ്യില്‍ ഏല്പിക്കുന്ന പരിപാടി നടക്കില്ല.
ഇനി എങ്ങിനെ ഈ വയറിനെ ഇല്ലാതാക്കാം എന്ന് നോക്കാം: അതിരാവിലെ ദിവസവും പത്തുമിനിട്ട് ഇതിനായി മാറ്റി വെക്കുക്ക. കടുത്തതായിട്ടു ഒന്നുമില്ല, ദിവസവും ഒരു അമ്പത് പ്രാവശ്യം ക്രഞ്ചിംഗ് (മുന്നിലോട്ടും, ഇരുവശങ്ങളിലേക്കും) ചെയ്‌താല്‍ രണ്ടാമത്തെ ദിവസം മുതല്‍ തന്നെ നമുക്കതിന്റെ വെത്യാസം അനുഭവപ്പെട്ടു തുടങ്ങും, കൂട്ടത്തില്‍ തീറ്റയും അല്പം കുറയ്ക്കണം. ഇത് തുടര്‍ച്ചയായിട്ട് ചെയ്ത്, ഒരു മാസത്തിനുള്ളില്‍ തൂങ്ങിയ വയര്‍ ഉള്ളിലേക്ക് വലിഞ്ഞില്ലെങ്കില്‍ ...ദാ... ഞാനീ ബ്ലോഗു പണി നിര്‍ത്തും. ഇത് സത്യം, സത്യം ... എന്‍റെ വടകര ഗുരുവാനെ സത്യം.

അല്‍പം ഫിറ്റായി (മറ്റേ ഫിറ്റല്ല) തന്നെ നമുക്ക് 'വയര്‍ലെസ്സ്' പൂര്‍ത്തീകരിക്കം.

കാസര്‍കോട്ട് നിന്നൊരു റയില്‍വേ പോര്‍ട്ടര്‍ കം ക്രിക്കറ്റര്‍

2009-03-17T11:00:00.032+03:00

ക്രിക്കറ്റ് ജ്വരം ഇന്നത്തെപോലെ അത്രകണ്ടു ഉണ്ടായിരുന്നില്ല 15 വര്‍ഷങ്ങള്‍ക്ക്‌ മുമ്പ് ഞങ്ങളുടെ ഗ്രാമത്തില്‍ (അരിയല്ലൂര്‍). ഇതു കിറുക്കന്‍മാരുടെ കളിയാണെന്നും പറഞ്ഞു പുതു തലമുറയെ കാരണവന്‍മാര്‍ പിന്തിരിപ്പിക്കുമായിരുന്നു, അവരെ പറഞ്ഞിട്ടും കാര്യമില്ല, ദിവസങ്ങളോളം നീണ്ടു നില്‍ക്കുകയല്ലേ ഒരു കളി.

പക്ഷെ ഞങ്ങള്‍ കുറച്ചു പേരുടെ മനസ്സില്‍ ക്രിക്കറ്റിനോട് വല്ലാത്ത ആവേശമായിരുന്നു. ഇന്ത്യ കളിക്കുന്ന എല്ലാ മാച്ചുകളുടെയും തല്‍സമയ റിലെ കാണാനും റിസള്‍ട്ട് അറിയുവാനും ഏത് വേലി ചാടി പോവാനും ഞങ്ങള്‍ തയ്യാറായിരുന്നു. വിരലില്‍ എണ്ണാവുന്ന വീടുകളില്‍ മാത്രമെ അന്ന് TV ഉണ്ടായിരുന്നുള്ളൂ, അതും റയില്‍വേ സ്റ്റേഷന്റെ പടിഞ്ഞാറ് ഭാഗത്ത്, കിഴക്ക് ഭാഗത്ത് അന്നൊന്നും കരണ്ട് പോലും കിട്ടിയിട്ടില്ലായിരുന്നു. അങ്ങനെ വായിച്ചും കണ്ടും ഞങ്ങള്‍ കളിയുടെ ബാലപാഠങ്ങള്‍ പഠിച്ചു. തെങ്ങിന്‍റെ ഓലമടല്‍ ബാറ്റും ചുള്ളി കമ്പിന്റെ സ്ടംപും ഓലപ്പന്തും, റബ്ബര്‍പന്തും എല്ലാമായി ഞങ്ങള്‍ അങ്ങിനെ കളി ആരംഭിച്ചു.

ടീം അംഗങ്ങള്‍: ഗഫൂര്‍ (ചോട്ടാ അസറുദ്ദീന്‍), അഫ്സര്‍, നാസര്‍ (വിക്കറ്റ് കീപ്പര്‍), സാകിര്‍, മനോഹരന്‍ (സ്കിപ്പര്‍), രാമകൃഷ്ണന്‍, പ്രേമന്‍, സുരേഷ്കുമാര്‍ (ഇന്നു ജീവിച്ചിരിപ്പില്ല), അനില്‍കുമാര്‍ (ഫാസ്റ്റ് ബൌളര്‍), മുസ്തു, ജലീല്‍, ect., ect..

ആയിടക്കാണ്‌ തമിഴ്നാട്ടില്‍ താമസമാക്കിയിരുന്ന ഒരു മലയാളി കുടുംബം തിരിച്ചു ഞങ്ങളുടെ നാട്ടിലേക്ക് താമസം മാറ്റുന്നത്‌. അതില്‍പെട്ട അവരുടെ മക്കളായ മുസ്തഫയും, ഹമീദും, ഹബീബും തമിഴ്നാട്ടില്‍ വളര്‍ന്നത്‌ കൊണ്ടു നല്ല ക്രിക്കറ്റ് കളിക്കാരയിരുന്നു. അവര്‍ കൂടി ടീമില്‍ ചേര്‍ന്നപ്പോള്‍ കളിയുടെ കൂടുതല്‍ ഗുട്ടന്‍സ് പിടികിട്ടി, കൂട്ടത്തില്‍ ഒരു സത്യവും മനസ്സിലായി; കളിയില്‍ ഞങ്ങള്‍ ഒന്നുമായിരുന്നില്ല എന്ന്.

ഒരു ടീമെന്ന നിലയില്‍ എവിടെയൊക്കെയോ എന്തിന്‍റെഒക്കെയോ കുറവുകള്‍ പിന്നെയും ഉണ്ടായിരുന്നു. ഒരു നല്ല കോച്ചിന്റെ, ഫണ്ടിന്‍റെ അങ്ങിനെ ഒരുപാടു കാര്യങ്ങള്‍.

ഒരു ദിവസം കളി കഴിഞ്ഞു വിയര്‍പ്പില്‍ കുളിച്ചു ബാറ്റും സ്ടമ്പും തോളിലേറ്റി വീടുകളിലേക്ക് മടങ്ങുമ്പോഴാണ് റയില്‍വേ പോര്‍ട്ടറുടെ കൊട്ടെഴ്സില്‍ ഒരു പുതു മുഖത്തെ കാണുന്നത്, ഒരു ഗൌരവക്കാരന്‍, ആരും അത്ര മൈന്റ് ചെയ്തില്ല. പിന്നീടാനറിഞ്ഞത് അത് പുതുതായി വന്ന പോര്‍ട്ടര്‍ ആണെന്ന്, കാസര്‍കോട്‌ ജില്ലയിലെ കാഞ്ഞങ്ങാട് സ്വദേശി. ഞങ്ങള്‍ ക്രിക്കറ്റ് കളിക്കാര്‍ ആയതുകൊണ്ടാവാം പുള്ളിക്കാരന്‍ ഇങ്ങോട്ട് വന്നു മുട്ടി, എന്നിട്ട് ചോദിക്കുവാ ഞാനും കൂടട്ടെ കളിക്കാന്‍.. തള്ളെ അതുവരെ കരുതിയ പോലെയല്ല കേട്ടാ, ലെവന്‍ പച്ചപ്പാവം.

ടീമിന് ആവശ്യമായ ഒരു കൊച്ചിനെ ഞങ്ങള്‍ക്ക് കിട്ടുകയായിരുന്നു ഈ പരിച്ചയപ്പെടലിലൂടെ, പിന്നീട് റയില്‍വേ കൊട്ടെഴ്സ് ഞങ്ങളുടെ മീറ്റിങ്ങ് റൂമായി മാറി. ഒരുപാട് മാറ്റങ്ങളുടെ തുടക്കമായിരുന്നു പിന്നീടങ്ങോട്ട്. പോര്‍ട്ടര്‍ തന്നെ മുന്നിട്ടിറങ്ങി കുടക്കാട് എസ്ടേറ്റില്‍ പൊട്ടകിണറിനു അടുത്തായി നല്ല പിച്ച് കണ്ടെത്തി, ഫോറും സിക്സും വേര്‍തിരിക്കുന്ന രീതിയില്‍ തന്നെ റബ്ബര്‍ മരങ്ങള്‍ ബൌണ്ടറിയായി കിട്ടിയ നല്ല സ്ഥലം. അവിടെ എന്നും വൈകുന്നേരം കളിയുടെ പൂരമായിരുന്നു. ആവശ്യമായ ഫണ്ടും താനേ വന്നു തുടങ്ങി. പുതിയ ബാറ്റ്, സ്റ്റിച്ച് ബോള്‍, സ്റ്റാമ്പ്‌, പാട് എന്ന് വേണ്ട അബ്ദമം പാട് വരെയായി. അങ്ങിനെ അവിടെ 'സിട്ടാടെല്‍' എന്ന ക്രിക്കറ്റ് ക്ലബിന് രൂപം പ്രാപിക്കുകയായിരുന്നു.

അടുത്ത പ്രദേശങ്ങളില്‍ നടന്നു വരുന്ന ടൂര്‍ണമെന്ടുകളില്‍ പങ്കെടുക്കാന്‍ ക്ഷണങ്ങള്‍ വന്നു കൊണ്ടിരുന്നു. പരപ്പനങ്ങാടി, ചെട്ടിപ്പടി, കുടക്കാട്‌, ആനങ്ങാടി, അത്താനിക്കല്‍ ടീമുകളുമായി കിടപിടിക്കുന്ന ഒരു ടീമായി ഞങ്ങള്‍ മാറിക്കഴിഞ്ഞിരുന്നു. പല ടൂര്‍ണമെന്റുകളിലും പങ്കെടുത്തു, ഗപ്പ്ഒന്നും കിട്ടിയില്ലെന്കിലും, ഞങ്ങളുടെ ചുണ്ടുകള്‍ ഗപ്പിന്റെ വക്കത്തുവരെ എത്തി തിരിച്ചു പോന്നിട്ടുണ്ട്. എല്ലാവരും എല്ലാ അര്‍ത്ഥത്തിലും ഫിറ്റ് ഏത് പുതിയ വെല്ലുവിളിയെയും നേരിടാനായിട്ട്.

അതിനിടക്കാണ്‌ ഞങളുടെ മനസ്സിലേക്ക് ഇടിത്തീയായി ആ വാര്‍ത്ത വാന്നത്, പോര്‍ട്ടര്‍ പോവുന്നു പുതിയ സ്റ്റേഷനിലേക്ക് ട്രാന്‍സ്ഫറായി. രണ്ടു വര്‍ഷത്തോളം ഞങ്ങളോട് ഒന്നിച്ചു കളിച്ചു, ഞങ്ങളെ കളി പഠിപ്പിച്ച പോര്‍ട്ടര്‍ പോവുകയാണ്, ആര്‍ക്കും അത് സഹിക്കാന്‍ കഴിയില്ലായിരുന്നു. ആരെ കണ്ടാലാണ്‌ ഈ ട്രാന്‍സ്ഫര്‍ ഒന്ന് ഹോള്‍ഡ് ചെയ്യിക്കുക എന്ന് പോലും ഞങ്ങള്‍ ആലോചിച്ചു... വെറുതെ, ഒരാശ്വാസത്തിന്.

അങ്ങിനെ പോര്‍ട്ടര്‍ പോയി..... പേര് പോലെ തന്നെ ഒരുപാട് നല്ല ഓര്‍മകള്‍ക്ക് പുറമേ ഞങ്ങള്‍ക്ക് കളിയുടെ എല്ലാ ഗുണപാഠങ്ങളും പഠിപ്പിച്ചു തന്ന ഞങ്ങളുടെ സ്വന്തം 'ഗുണശേഖരന്‍ സാര്‍' ......വി സല്യൂട്ട് യു സര്‍.

അദ്ദേഹം ഇന്ന് എവിടെയാണാവോ? ഈ ഓര്‍മക്കുറിപ്പ്‌, ഭൂമിയുടെ ഏതെങ്കിലും കോണിലിരുന്നു അദ്ദേഹം വായിക്കാന്‍ ഇടയായാല്‍, ഞാന്‍ ധന്യനായി.

ഒന്ന് പറയാം: ഗുണശേഖരന്‍ സാറില്‍ നിന്നും കിട്ടിയ അറിവുകളും പരിശീലനവും കൊണ്ട് ഒന്ന് മാത്രമായിരുന്നു പിന്നീട് എനിക്ക് പി. എസ്. എം. ഓ. കോളേജിലെ ക്രിക്കറ്റ് ടീമിലേക്ക് രണ്ടു വര്‍ഷവും സെലക്ഷന്‍ കിട്ടിയത്.

BIG-B റിയാദില്‍

2009-03-16T11:14:00.010+03:00

21.03.2009
റിയാദിനടുത്ത് അല്‍ഖര്‍ജില്‍ ഉള്ള ഇക്ക ഇന്നലെ ഞങ്ങളെ സന്ദര്‍ശിച്ചു. കമ്പനി വക ബസ്സില്‍ വന്നത് കാരണം വളരെ കുറച്ചു സമയം മാത്രമെ ഇക്കാക്ക്‌ ഞങ്ങളോടൊപ്പം ചിലവഴിക്കാന്‍ സാധിച്ചുള്ളൂ. അടുത്തയാഴ്ച വീണ്ടും വരാമെന്ന പ്രതീക്ഷയോടെ ഇക്ക ഖര്‍ജിലേക്ക് മടങ്ങി.

ക്ഷമിക്കണം നിങ്ങള്‍ ആകാംഷയോടെ കാത്തിരിക്കുന്ന ആ ബിഗ്-ബിയല്ല ഇത്, ഇതെന്‍റെ വലിയ ബ്രദര്‍ ബഷീര്‍ക്ക (അപ്പൊ എനിക്ക് ധൈര്യമായി വിളിക്കാമല്ലോ ബിഗ്-ബി എന്ന്) ഞങ്ങള്‍ വീട്ടുകാര്‍ക്കും നാട്ടുകാര്‍ക്കും എല്ലാം ഇക്ക ഒരു ബിഗ്-ബി തന്നെയാണ്.

മൂപ്പര് ഇന്നു കാലത്ത് 10:30നു ജിദ്ദയില്‍ നിന്നും റിയാദില്‍ എത്തി, അവരുടെ മുതലാളിക്ക് പുതുതായി കിട്ടിയ കൊണ്ട്രാക്ടിന്റെ പണി റിയാദില്‍ നിന്നും അല്‍പം മാറി അല്‍-ഖര്‍ജ് എന്ന സ്ഥലത്താണ്. ഇനി രണ്ടു മാസക്കാലം റിയാദില്‍ ബിഗ്-ബിയുടെ വിളയാട്ടമായിരിക്കും ... sorry, no public functions.

കറുത്ത ഗൂഗിള്‍ - എനര്‍ജി സേവര്‍

2009-03-15T09:18:00.019+03:00

ഇതു ദുരിത കാലം. വര്‍ത്തമാനകാലത്തെ സാമ്പത്തിക മാന്ദ്യത്തില്‍, കഷ്ടപ്പെട്ടു സമ്പാദിച്ച പണവും സമ്പത്തും സംരക്ഷിച്ചു നിര്‍ത്താനുള്ള വഴികള്‍ അന്വേഷിച്ചു നെട്ടോട്ടമോടുന്നതിനിടയില്‍, വെബ്സൈറ്റുകള്‍ ഉപയോകിക്കുമ്പോള്‍ പവര്‍ സേവ് ചെയ്യാവുന്ന വഴിയെപറ്റി പറഞ്ഞാല്‍ ആര് ശ്രദ്ധിക്കാന്‍‍, എന്നാലും....

ഇന്റര്‍നെറ്റും വെബ്‌സൈറ്റും ഉപയോഗിക്കുമ്പോള്‍ പവര്‍ ലാഭിക്കാമെന്നതു ഒരുതരത്തില്‍ പറഞ്ഞാല്‍ പുതിയ കാര്യം തന്നെയാണ്. ഈ ഉദ്വേശവുമായി വന്നവരില്‍ (applications) ഏറ്റവും മുന്നില്‍ നില്‍ക്കുന്നത് Blackle ആണ്, എനര്‍ജി സേവ് ചെയ്യുന്ന വളരെ പ്രയോകാത്മകമായ ഒരു സേര്‍ച്ച്‌ എന്ജിനാണിത്. ആസ്ട്രാലിയായിലെ Heap മീഡിയയുടെ ഉടമസ്ഥതയിലുള്ള ഇതിന്‍റെ ശക്തി കേന്ദ്രം ഗൂഗിള്‍ സേര്‍ച്ച്‌.
വെള്ളയും കറുപ്പും വെബ് പേജുകളുടെ ഇടയിലെ എനര്‍ജി ഉപയോകത്തിന്‍റെ അളവുകള്‍ വളരെയധികം വ്യത്യാസപ്പെട്ടിരുക്കും, അതുകൊണ്ട്‌ തന്നെ Blackle ഉന്നം വെക്കുന്നത് കറുത്ത സ്ക്രീന്‍ എനര്‍ജി ലാഭിക്കാന്‍ സഹായകം ആവുമെന്നതാണ്.
ഇന്നു മാര്‍കറ്റില്‍ ലഭിക്കുന്ന മോണിട്ടരുകള്‍ക്ക് യൂസറെ വെബിലെ അക്ഷരങ്ങള്‍ എല്ലാം വായിക്കാന്‍ സഹായിക്കുന്ന സ്ഥിരതയുള്ള പിന്‍വെളിച്ചമില്ല. ഒരു യൂസര്‍ ഒരു വെളുത്ത വെബ് പേജിലേക്ക് ചലിക്കുമ്പോള്‍, എല്ലാ വിവരങ്ങളും ഡിസ്പ്ലേ ചെയ്യാന്‍ സ്ക്രീനിനു ഒരു പെട്ടെന്നുള്ള എനര്‍ജി പ്രവാഹം തന്നെ ആവശ്യമാണ്‌. എന്നാല്‍ Blackle ന്‍റെ കറുത്ത പ്രതലത്താല്‍, ഏത് സാധാരണ മോനിട്ടരിനും വളരെ കുറച്ചു എനര്‍ജി മാത്രമെ ആവശ്യമാവുകയുള്ളൂ.
വളരെ പോപുലറായ ഒരു സേര്‍ച്ച്‌ എന്ജിനാണ് ഗൂഗിള്‍. 2007 ജനുവരിയില്‍, Mark Ontkush എന്ന അമേരിക്കക്കാരന്‍ ബ്ലോഗറാണ് 'ബ്ലാക്ക്‌ ഗൂഗിള്‍' എന്ന ആശയം പരിചയപ്പെടുത്തിയത്. ഈ ആശയത്തെപ്പറ്റി കൂടുതല്‍ അദ്ദേഹത്തിന്റെ ബ്ലോഗില്‍ പറയുന്നുണ്ട് 'Black Google Would Save 750 Megawatt-hours a Year' . കൂടാതെ ലോകത്തുള്ള എല്ലാവരും ഗൂഗിളിന്‍റെ ബ്ലാക്ക്‌ പതിപ്പിലേക്ക് മാറിയാല്‍ എത്രമാത്രം എനര്‍ജി സേവ് ചെയാമെന്നതിനെ പറ്റി വിശദമായ ഒരു കണക്കും Ontkush തരുന്നുണ്ട്.
ഈ ആശയത്തിന്റെ പ്രയോകിക വശങ്ങളെ പറ്റി പലര്ക്കും സംശയമുണ്ടായിരുന്നു, എങ്കിലും കഴിഞ്ഞ വര്‍ഷം Blackle വിപണിയില്‍ ഇറങ്ങി.
ഇതിന്‍റെ പ്രത്യേകത, സാധാരണ ഗൂഗിള്‍ സേര്‍ച്ച്‌ പേജിനു വിപരീതമായി വെബ്സൈറ്റ് ലോഗിന്‍ ചെയ്യുമ്പോള്‍ കറുത്ത പേജും ഗ്രേ കളറിലെ അക്ഷരങ്ങളും സേര്‍ച്ച്‌ ബോക്സും യൂസറെ സ്വീകരിക്കാനായി തിളക്കമാര്‍ന്ന തലക്കെട്ടോടു കൂടി എത്തുന്നു എന്നതാണ്. ബ്രൌസ് ചെയ്യുമ്പോള്‍ തന്നെ എനര്‍ജി സേവ് ചെയ്യാനുള്ള ടിപ്സ് നമുക്കു കാണാന്‍ സാധിക്കും.
Blackle മുദ്രാവാക്യത്തില്‍ തന്നെ എല്ലാം ഉണ്ട്: "Saving energy one search at a time"

റിയാദിലെ പൊടിക്കാറ്റ്

2009-03-10T12:49:00.012+03:00

ഇതു റിയാദിലെ പൊടിക്കാറ്റിന്റെ കാഴ്ചകള്‍: ഇന്നു പകല്‍ കൃത്യം 11:45നു തുടങ്ങിയ ശക്തമായ പൊടിക്കാറ്റ് രണ്ടു മണിക്കൂര്‍ കഴിഞ്ഞിട്ടും നിന്നിട്ടില്ല. വാഹനയാത്രക്കാരെല്ലാം ബുദ്ധിമുട്ടില്ലായി, പുറത്തു ജോലി ചെയ്യുന്ന തൊഴിലാളികള്‍ ജോലി നിര്‍ത്തിവെക്കേണ്ടി വന്നു. സാധാരണ ഈ സമയത്താണ് എന്‍റെ മകനെ സ്കൂളിലേക്ക് കൊണ്ടുവിടുന്നത്‌, വാഹന യാത്ര തീര്‍ത്തും ദുഷ്കരമായതിനാല്‍ ആ സ്കൂളിനു ഇന്നു അവധി നല്‍കി.
'സൗദിയില്‍ പൊടിക്കാറ്റ്അടിച്ചാല്‍ അത് കാലാവസ്ഥ മാറുന്നതിന്റെ ഒരു സിംട്ടം ആണെന്നാണ് വിശ്വാസം. ഇതിപ്പോള്‍ റിയാദില്‍ ചൂടു കൂടുവാന്‍ പോവുന്നത്തിന്റെ മുന്നറിയിപ്പാണ്. വിശ്വാസം എന്ത്‌ തന്നെയായാലും ഇട തെറ്റാതെ യഥാസമയം ഈ പൊടിക്കാറ്റ് ഒരു ഓര്‍മ്മക്കുറിപ്പായി വന്നു വീശിക്കൊണ്ടേയിരിക്കുന്നു.' ..... GOD Tussi Great Ho

AutoCADഉം അവസരങ്ങളും

2009-03-04T09:39:00.009+03:00

സുലൈഖത്താത്തയുടെ (എന്‍റെ പെങ്ങള്‍) മകന്‍ കുട്ടിമോന്‍ AutoCAD കോഴ്സിന് തിരൂരില്‍ ചേര്‍ന്നു. സിവില്‍ കാറ്റഗരിയിലെ സ്ട്രക്ച്ചരല്‍ ആര്‍കിറെക്ച്ചരല്‍ വിഭാഗങ്ങളാണ് താല്‍പര്യപ്രകാരം തിരഞ്ഞെടുത്തിരിക്കുന്നത്.
.... കൂടുതല്‍ പ്രാഥമിക യോഗ്യതകള്‍ ഇല്ലാതെ വളരെ എളുപ്പത്തില്‍ പഠിച്ചെടുക്കാവുന്ന (സോറി, കാര്യങ്ങള്‍ എല്ലാം ഒന്നു മുന്‍കൂട്ടി കാണാനുള്ള കഴിവ് അത്യാവശ്യം) ഈ bankable ടെക്നിക്കല്‍ വിദ്യക്ക് ഇപ്പോള്‍ ഗള്‍ഫില്‍ നിര്‍മ്മാണ മേഘലയില്‍ നല്ല അവസരങ്ങളാണ് ഉള്ളത്. So, guys hurry up….!!

ലൗവ്‌ബേര്‍ഡ്സ്

2009-02-17T12:16:00.008+03:00

പക്ഷികളുടെയും മീനുകളുടെയും ഒരു സ്നേഹപ്പ്രകടനം. ഈ കഴിഞ്ഞ Valentine’s Day യിലെ ഒരപൂര്‍വ കാഴ്ച.
ഫോട്ടോ കടപ്പാട്: ഗള്‍ഫ് ന്യൂസ്

മുഖ്യനും സെക്രട്ടറിയും

2009-02-14T15:53:00.006+03:00

VS vs PV:
ഞാന്‍ ഒരു പാര്‍ട്ടിയുടേയും അനുഭാവിയായിട്ടല്ല, എന്നാലും ഈ ഫോട്ടോ കണ്ടപ്പോള്‍...... something is wrong somewhere? സംസ്ഥാനത്തിന്‍റെ മുഖ്യമന്ത്രി സ്റ്റെജിലേക്ക് കടന്നു വരുമ്പോള്‍ എല്ലാവരും എഴുന്നേറ്റു നിന്നു, പക്ഷെ PVക്ക് എന്ത് കൊണ്ടോ എഴുന്നേല്‍ക്കാന്‍ തോന്നുന്നില്ല. അവിഭാഗീയതയിലെ വിഭാഗീയതയാണോ?

വള്ളിക്കുന്നും പരിസരവും

2009-01-28T08:54:00.008+03:00

വരൂ... വള്ളിക്കുന്ന് റയില്‍വേ സ്റ്റേഷനും അങ്ങാടിയും പരിസരവും ഒന്നു ചുറ്റിക്കാണാം

റയില്‍വേ സ്റ്റേഷന്റെ ടിക്കറ്റ് കൌണ്ടറും വെയിറ്റിംഗ് റൂമും ഉള്‍പെടുന്ന കന്നിമൂല

ബസ്സ് സ്റ്റാണ്ടിനോട് ചേര്‍ന്നുള്ള സരോജിനി ബില്‍ഡിംഗ്‌

നിത്യ വസന്തമായി റയില്‍വേ സ്റ്റേഷന്റെ പിന്‍ഭാഗത്തുള്ള കടകള്‍

ഗുലാബിയുടെ ചായക്കട, മുകളില്‍ ഫുഡ് പ്രൊസസ്സിന്ഗ് സെന്‍റെര്‍

കുഞ്ഞിരാരുവേട്ടന്‍റെ മകന്‍റെ ഓള്‍-ഇന്‍-വന്‍ ഷോപ്പ്

വള്ളിക്കുന്ന് ഷൈനിംഗ്

ഷീജ Textiles അന്നും ഇന്നും എന്നും മാറ്റമില്ലാതെ

പ്രോടീന്‍ റിച്ച് ഫുഡ്

2009-01-26T21:36:00.013+03:00

ഇതു കുബ്ബൂസും തൈരും, സൗദിയിലെ പ്രവാസി മലയാളികളുടെ പ്രധാനാഹാരം. വളരെ തുച്ഛമായ വിലക്ക് (സൗദിയില്‍ ഇതിന് രണ്ടു റിയാലെ ഉള്ളൂ) ഒരധ്വാനവും കൂടാതെ വയറു നിറച്ചു കഴിക്കാവുന്ന പ്രോടീന്‍ റിച്ച് ഫുഡ്. ഇതിലും പിശുക്ക് കാണിച്ചു സ്വന്തം ആരോഗ്യത്തെ മറന്നു ജീവിക്കുന്നവരോട് ഒന്നേ പറയാനുള്ളൂ 'കണ്ടാലും കേട്ടാലും അറിയാത്തവന്‍ കൊണ്ടാലറിയും' …. just remember that.

ഇദ്ദേഹമാണ് അദ്ദേഹം

2009-01-24T12:26:00.008+03:00

ഇതു നിസാര്‍ ഖാന്‍, കൊല്ലം ജില്ലയിലെ മയ്യനാട് കൂട്ടിക്കട സ്വദേശി, ഞങ്ങളുടെ കമ്പനിയില്‍ ചീഫ് ഡിസൈനറും ആര്കിട്ടെക്ടുമായി ജോലി ചെയ്യുന്നു. ചെലവ് കുറഞ്ഞ രീതിയില്‍ ഡിസൈന്‍ ചെയ്തെടുത്ത പുള്ളിക്കാരന്റെ വീടിന്‍റെ ഫോട്ടോസ് കാണൂ.....
ഇദ്ദേഹമാണ് ഞാന്‍ പണിയാന്‍ ഉദ്ദേശിക്കുന്ന എന്‍റെ വീടിന്‍റെ മുഖ്യ സൂത്രധാരന്‍.

ഗള്‍ഫില്‍ മിന്നലടിച്ചപ്പോള്‍....

2009-01-21T17:50:00.006+03:00

ദുബായ് ടവര്‍ ലോകത്തിലെ ഏറ്റവും ഉയരം കൂടിയ മിന്നല്‍ കണ്ടക്ടറായി പ്രവര്‍ത്തിക്കുന്നു.
ദുബായ് ടവറിലെ മിന്നല്‍ കണ്ടക്ടരിലേക്ക് മിന്നല്‍ പിണരുകള്‍ പടര്‍ന്നപ്പോള്‍.

മിന്നല്‍ പിണരുകള്‍ മറ്റൊരു ബില്‍ഡിംഗ്‌ സമുച്ചയത്തിന്റെ കണ്ടക്ടരിലേക്ക്.

പടച്ചോന്‍റെ സ്വന്തം നാട്ടിലെ കാഴ്ചകള്‍

2009-01-19T12:31:00.006+03:00

ഒറ്റപ്പാലത്ത് നിന്നും ഒരു സൂര്യാസ്തമയത്തിന്റെ ദൃശ്യം.
നാലുകെട്ടിനകത്തെ ഒരു തടാകം
റോഡിനു ഇരു വശവുമായി തെങ്ങിന്‍ തൈകളുടെ സുരക്ഷാ വലയം.
പച്ച വിരിച്ചു നില്ക്കുന്ന നെല്‍പാടങ്ങള്‍ എവിടെയും കാണാം.
പച്ച വിരിച്ചു നില്ക്കുന്ന നെല്‍പാടങ്ങള്‍ കണ്ണിനു കുളിര്‍മ തരുന്ന കാഴ്ച തന്നെയാണ്. തൃശൂരിനും ഏറനാകുലത്തിനുമിടയിലെ ഒരു കാഴ്ച.

എന്‍റെ ഗ്രാമം

2009-01-13T12:19:00.012+03:00

താര രാജാക്കന്മാര്‍ക്കിടയിലെ യഥാര്‍ത്ഥ താരം, അതെ വള്ളിക്കുന്നുകാരന്‍ ജലീലാണ് താരം.

വള്ളിക്കുന്ന് റയില്‍വേ സ്റ്റേഷന്‍, ഇന്ത്യന്‍ റയില്‍വേ (നമ്മുടെ സ്വന്തം റയില്‍വേ) ഒരിക്കലും ഓര്‍ക്കാന്‍ ആഗ്രഹിക്കാത്ത പേര്, കാരണം പത്തിരുപത്തഞ്ചു വര്‍ഷം മുമ്പ്‌ ഒരു മാസത്തോളം നീണ്ടു നിന്ന സമരത്തില്‍ ഇവിടുത്തെ നാട്ടുകാര്‍ക്ക് മുമ്പില്‍ അന്നത്തെ റയില്‍വേ മിനിസ്ടരും വകുപ്പും മുട്ട് മടക്കിയതാണ്.

റയില്‍വേ സ്റ്റേഷന്‍ ഒരു ലോങ്ങ് സൈറ്റില്‍, പശ്ചാത്തലത്തില്‍ കുന്ചിരാരുവിന്റെയും ഗുലാബിയുടെയും ചായക്കടകള്‍.

കൊങ്ങന്‍ ബസാര്‍ Junction.
Junctioനില്‍ സ്ഥാപിച്ച ട്രാന്‍സ്ഫോര്‍മര്‍ വീഴാറായി നില്‍ക്കുന്നു.
Junctioനടുത്തുള്ള സ്രാമ്പ്യ (നിസ്കാരപ്പള്ളി).

മാപ്പിള സ്കൂള്‍, വള്ളിക്കുന്നിലെ ഉന്നതന്മാരില്‍ അധികവും അക്ഷരാഭ്യാസം തുടങ്ങിയത് ഇവിടെ നിന്നാണ്.

ദേവീവിലാസം UP സ്കൂള്‍, ഞാന്‍ പഠിച്ച സ്കൂള്‍. ഉണ്നീരി മാഷായിരുന്നു ഞങ്ങളുടെ ഹെഡ്മാഷ്, അദ്ദേഹമിന്നു ജീവിച്ചിരിപ്പില്ല. ഈ സ്‌കൂള്‍ മുറ്റത്താണ് ഞാനും ഇന്നു ഡോക്ടര്‍മാരായ സക്കീറും, അബ്ബാസും, ഹാരിസും എല്ലാം ഒന്നിച്ചു കളിച്ചു പഠിച്ചു വളര്‍ന്നത്‌.

കണ്ടതും കേട്ടതും

2009-01-08T14:17:00.021+03:00

2.2.2009
What an idea, Sirji !!
"If you have an apple and I have an apple and we exchange these apples then you and I will still each have one apple. But if you have an idea and I have an idea and we exchange these ideas, then each of us will have two ideas !"

ജ്യോലിയില്‍ അല്പം കാര്യം
അസ്കര്‍ അലിയും നിസാര്‍ ഖാനും ജോലിക്കിടെ ഗൌരവമേറിയ നാട്ടുവിശേഷത്തില്‍.

ക്യാമറ കണ്ടാല്‍ എല്ലാം വിട്ട് ഷബീറും തിരിഞ്ചു നോക്കും.

വര്‍ണം വിരിയും ബലൂണുകള്‍.

Wanna know about a ‘must-see’ tourist destination in Kerala, India?
Please do visit the site http://www.evergreenhuts.com/ to get more information for those looking for a trip to Kumarakom and Alleppey backwaters, for House-Boat cruise and overnight stay or a tour program to Munnar, Thekkady, Kovalam, Kanyakumari, OOtti, Kodaikanal, Rameshwaram, Madurai, etc...

തീര്‍ച്ചയായും സന്ദര്‍ശിക്കേണ്ട കേരളത്തിലെ ഒരു ടൂറിസ്റ്റ് കേന്ദ്രത്തെ പറ്റി അറിയണോ?
കൂടുതല്‍ വിവരങ്ങള്‍ക്ക് ഈ സൈറ്റ് സന്ദര്‍ശിക്കുക http://www.evergreenhuts.com/

വാര്‍ത്തകള്‍

2009-01-08T12:13:00.042+03:00

27.2.2009
Nashwa (എന്‍റെ മകള്‍) കളിക്കുന്നതിനിടല്‍ വാതിലില്‍ തലയടിച്ചു വീണ് അല്‍പ നേരം അഭോധാവസ്തയിലായി. ഉടനെ തന്നെ റിയാദിലെ നാഷണല്‍ ഹോസ്പിറ്റലില്‍ കൊണ്ടുപോയി CT സ്കാന്‍ ചെയ്തു, ഒന്നും സംഭവിച്ചിട്ടില്ലെന്ന് സ്കാനിങ്ങില്‍ കൂടി വ്യക്തമായി. അല്‍പ നേരത്തിനു ശേഷം എല്ലാം നോര്‍മലായി (അല്‍-ഹമ്ദുലില്ലാഹ്).

15.2.2009
മയമൂട്ടി മൂത്താപ്പയുടെ മകന്‍ അബ്ദുല്‍റഹിമാന്‍ കുട്ടി (ബാവ) നാളെ സൗദി അറേബ്യയിലെ ഹഫര്‍-അല്‍ബാതിനില്‍ നിന്നും നാട്ടിലേക്ക് പോവുന്നു. മൂന്നു-നാല് മാസം നാട്ടില്‍ നിന്നിട്ടെ തിരിച്ചു പോരുകയുള്ളൂ എന്നാണ് അറിയാന്‍ സാധിച്ചത്.

11.2.2009
അളിയന്‍ അമീറിന്‍റെ ആഗ്രഹപ്പ്രകാരം ഉപ്പ (father-in-law) കഴിഞ്ഞ ആഴ്ച നാട്ടില്‍ ഒരു പുതിയ മാരുതി സ്വിഫ്റ്റ് വാങ്ങി.

05.2.2009
കുഞ്ഞാലിക്കുട്ടിക്ക മരിച്ചു. തീരെ സുഖമില്ല എന്ന വാര്‍ത്തയറിഞ്ഞ് കഴിഞ്ഞ ആഴ്ചയാണ് ജലീല്‍ നാട്ടിലേക്ക് പോയത്. അവന്‍റെയും, കുടുംബത്തിന്റെയും ദുഖത്തില്‍ ഞാനും പങ്കു ചേരുന്നു.

27.1.2009
ഉപ്പക്ക് (കുഞ്ഞാലിക്കുട്ടിക്ക) സുഖമില്ലാത്തതു കാരണം ജലീല്‍ കെ. ടി. ഇന്നു ദമാമില്‍ നിന്നും നാട്ടിലേക്ക് തിരിക്കുന്നു.

27.1.2009
ചെര്‍ന്നൂരിലെ (എളാപ്പയുടെ) മകന്‍ അഷ്കര്‍ ഇന്നലെ സൗദിയില്‍ നിന്നും നാട്ടിലേക്ക് പോയി, രണ്ടു മാസത്തെ re-entry വിസ ഉണ്ടെങ്കിലും തിരിച്ചു വരവിനുള്ള സാധ്യത കുറവാണ്.

17.1.2009
18 വര്‍ഷത്തെ പ്രവാസ ജീവിതം മതിയാക്കി ഉപ്പ (father-in-law) ഇന്നലെ സൗദി അറേബ്യയില്‍ നിന്ന് നാട്ടിലേക്ക് യാത്ര തിരിച്ചു.

15.1.2009
കല്പാലത്തിങ്ങള്‍ തറവാട്ടിലേക്ക് ഒരു മെമ്പര്‍ കൂടി.
എന്‍റെ ജ്യേഷ്ട്ടന്‍ ബഷീറിന്റെ ഭാര്യ 11/1/2009നു ഒരു പെണ്‍കുട്ടിക്ക് ജന്മം നല്‍കി.

10.1.2009
സൗദിയില്‍ ഫാമിലി വിസ നിയമം കര്‍ശനമാക്കുന്നു.
മലയാളം ന്യൂസില്‍ വ്യാഴാഴ്ച, ജനുവരി 8, 2009, വന്ന റിപ്പോര്‍ട്ട് താഴെ. അംഗീകരിക്കപ്പെടാത്ത പ്രോഫെഷനില്‍ ഫാമിലിയെ കൊണ്ടുവന്ന മലയാളികള്‍ അടക്കം ഒരുപാടു പേര്‍ ഈ പുതിയ നിയമം കാരണം വിഷമത്തിലാവും.

08.1.2009
രണ്ടര മാസത്തെ അവധിക്കാലം കഴിഞ് MV ഹസ്സന്‍ (പാത്തുട്ടി അമ്മായിയുടെ മകന്‍) ഇന്നലെ രാത്രി 11 മണിക്ക് സൗദിയില്‍ തിരിച്ചെത്തി. പുതുതായി പണിയുന്ന വീടിന്‍റെ തറയുടെ പണിയും കഴിച്ചിട്ടാണ് ഹസ്സന്‍ നാട്ടില്‍ നിന്നും തിരിച്ചത്.

റിയാദിലെ വിശേഷങ്ങള്‍

2009-01-06T10:40:00.020+03:00

ഒരു പെരുന്നാള്‍ സംഗമം.
ഉപ്പ (father in-law) ദമാമില്‍ നിന്നും എന്‍റെ കൂട്ടുകാരായ നിസാര്‍ ഖാന്‍, ശിഹാബുദ്ദിന്‍, ശരീഫ് എന്നിവര്‍ റിയാദില്‍ നിന്നും എത്തിയിരുന്നു.

അമീര്‍ (my brother-in-law) ദമാമില്‍ നിന്നും കമ്പനി ആവശ്യത്തിനായി റിയാദില്‍ എത്തിയപ്പോള്‍ Nashwa യും Naveed മായിരുന്നു അവന്‍റെ കൂട്ട്.

പെരുന്നാള്‍ ദിനത്തില്‍ റിയാദില്‍ നടന്ന വെടിമരുന്നു പ്ര്യയോകത്തിലെ ഏതാനും ചില കാഴ്ചകള്‍.

അമ്യുസ്മെന്റ്റ് പാര്‍ക്കിലൂടെ ........ (നവീദ് ഒരു റയിടിനു തയ്യാറായിട്ടിരിക്കുന്നു).

പ്രകൃതി സൗന്ദര്യം

2009-01-05T16:47:00.009+03:00

മനോഹരമായ പക്ഷികളുടെ സാന്നിധ്യത്താല്‍ ഒരു പ്രഭാതം.

ഇട തൂര്‍ന്ന മരങ്ങള്‍ക്കിടയിലൂടെ വിരിയുന്ന പ്രഭാതം.

അസ്തമയ കാഴ്ചയും ഒട്ടും മോശമല്ല.

തറവാടിനു ചുറ്റുപാടുമുള്ള പറമ്പുകള്‍ ക്യാമറ ഒപ്പിയെടുത്തപ്പോള്‍....

beauty meets quality.

എന്‍റെ വീട് (Kalpalathingal House)

2009-01-05T16:12:00.007+03:00

ഇത് കല്പാലത്തിങ്ങള്‍ ഹൗസിന്റെ പുതിയ രൂപം. വീടിന്‍റെ പുറത്തു കളിക്കുന്നത് പുതിയ തലമുറയിലെ ഒരംഗം. ഒരുപാടു തലമുറകള്‍ക്ക് ജന്മം നല്കിയ ഈ തറവാട് വീടിന്‍റെ പഴയ രൂപം ഇല്ലാതായി, പക്ഷെ ഇന്നും ആ പഴയ ഓര്‍മകള്‍ തലമുറ വ്യത്യാസമില്ലാതെ പുത്തനായി നില്‍ക്കുന്നു.

ഫാമിലി ആല്‍ബം

2008-12-17T16:02:00.034+03:00

Comfortably in safe hands

ഉപ്പയും നവീദും പിന്നെ ഞാനും

എന്‍റെ മക്കള്‍ (Naveed & Nashwa)

Fully concentrated

വിത്ത് ബിഗ്-ബി

Brother Gafoor, always had a wish to have packs (the new trend) in his body. If rumors are to be believed, he has started intensive efforts to get 18 packs more than of 8 packs what Aamir Khan had achieved recently.

Big B, with his usual trademark laugh.

എന്‍റെ ഉമ്മ, ഫോട്ടോ പോസിങ്ങിനിടെ മുഖത്ത് വന്ന പുഞ്ചിരി മാറ്റാനായി പാടു പെടുന്നു.

എന്‍റെ ഉപ്പ, 20 വര്‍ഷത്തെ റയില്‍വേ ഉദ്യോഗത്തിന് ശേഷം 2003ഇല്‍ റിട്ടയര്‍ഡായി വീട്ടില്‍ കഴിയുന്നു. ഈയടുത്തായി ഒരു ചെറിയ സര്‍ജറിക്ക് വിധേയനായി, സുഖം പ്രാപിച്ചുവരുന്നു.